斯里蘭卡航空推出一隻限時劈，無論經濟或商務都打75折，不過咁多個地點中，始終都係曼谷最平：來回淨機票HK$1,020起，連稅HK$1,594起；商務客位來回HK$3,300起，連稅HK$3,874起，出發日期為2015年4月1日至6月30日。Check過系統，如果想復活節期間出遊，經濟位呢口價只可揀到4月4日去4月9日返，要請2日假；商務位呢口價可以揀4月2日去4月9日返，由於4月2日係下午6:15機離開香港，換言之只係多請半日假（前後共2.5日），以呢口價豪遊曼谷過復活節，仍然有睇頭。斯航有樣好，機票有效期長達2個月，絕非一般7日平飛。最後出票日期為12月9日晚上11:59，啱可以上番官網買。

網址：www.srilankan.com

（覺得抵可用Whatsapp同LINE Share俾朋友架）

斯里蘭卡航空限時75折，來回曼谷$1,020起，2015年4至6月出發，復活節前後出發有

斯里蘭卡航空為慶祝成立35周年，推出限時全線經濟艙85折、商務艙6折劈。出發日期由10月15日至12月10日：香港來回曼谷經濟艙淨機票HK$1,070起，連稅HK$1,743起，如果坐商務艙淨機票HK$2,860起，連稅HK$3,533起，以上嘅價位，以商務艙相對吸引，由於斯里蘭卡航空屬於寰宇一家成員，所以坐商務艙可用國泰嘅貴賓室，想試下坐商務艙嘅您，都諗得過。Check過系統，供應量足，但斯里蘭卡航空唔係每日都有航班，想去要就就出發日子喇，啱就上官網訂啦。

航班時間（逢週一、四、六）：

香港飛曼谷：UL423 18:15/20:10
曼谷飛香港：UL422 13:20/17:10

網址：www.srilankan.com

（覺得抵可用Whatsapp同LINE Share俾朋友架）

斯里蘭卡航空35周年劈，飛曼谷坐經濟艙來回連稅$1,743起、商務艙$3,533起

想喺旺季平飛曼谷都唔係無辦法，依家坐斯里蘭卡航空來回曼谷，淨機票HK$1,067起，連稅HK$1,745起，出發日期由8月18日-11月29日。呢口價旺季都有，1人飛都得，抵過坐廉航啦（斯里蘭卡係傳統航空公司，有免費行李寄艙同飛機餐）！Check過系統，想喺中秋期間出發，9月6日上機，9月11日返，請3日假就可以玩6日。不過國慶期間未見此優惠。機票有效期為1個月（非常之長！一般平飛只得7日），賣哂就冇，啱就上ZUJI買。

航班時間（逢週一、四、六）：

香港飛曼谷：UL423 18:15/20:10
曼谷飛香港：UL422 13:20/17:10

網址：www.zuji.com.hk

（覺得抵請記得按Like同Share俾朋友）

暑假、中秋飛曼谷，斯里蘭卡航空來回$1,067起，1個月有效期，11月底前出發

斯里蘭卡航空飛歐洲又有平飛盤，都幾吸引，值得大家諗諗：出發日期由8月10日至2015年2 月13日，2人同行每位連稅計巴黎HK$5,955起、法蘭克福HK$6,297起、倫敦HK$6,850起，呢口價係挑戰平霸國航個地位喎！不過斯里蘭卡航空條水係香港飛科倫坡（中停曼谷），再由科倫坡飛倫敦，飛長途機中途停一停、抖一抖都OK嘅。Check過系統，呢口價淡季供應量足，香港往或返科倫坡嘅航班為逢週一、四同六（詳情見下表），機票有效期為1個月，出票日期由依家至15年2月13日，賣晒就無，啱就上ZUJI買啦。

航班時間（個別月份出發時間或有不同，詳情請參考官網或ZUJI）：

香港飛科倫坡（中停曼谷）：18:05-23:00（逢週一、四同六）
科倫坡飛香港（中停曼谷）：07:20-16:55（逢週一、四同六）

網址：www.zuji.com.hk

（覺得正請記得按Like同Share俾朋友）

斯里蘭卡航空飛歐洲平盤，2人同行每位連稅巴黎$5,955、法蘭克福$6,297、倫敦$6,850起

斯里蘭卡航空有一隻倫敦淡季平飛，冇乜人知，值得一報：淨機票來回HK$2,292起，連稅HK$6,861起，呢口價仲抵過一向最平嘅國航喎！不過斯里蘭卡航空條水係香港飛科倫坡（中停曼谷），再由科倫坡飛倫敦，飛長途機中途停一停、抖一抖都OK嘅。Check過系統，呢口價集中喺9月尾同11月，香港往或返科倫坡嘅航班為逢週一、四同六（詳情見下表），機票有效期為1個月，啱就上ZUJI買啦。

航班時間（個別月份出發時間或有不同，詳情請參考官網或ZUJI）：

香港飛科倫坡（中停曼谷）：18:05-23:00（逢週一、四同六）
科倫坡飛香港（中停曼谷）：07:20-16:55（逢週一、四同六）

科倫坡飛倫敦：13:00-19:20（天天出發）、02:20-08:45（逢週六、日）
倫敦飛科倫坡：20:50-12:50(+1)（天天出發）、12:35-04:35（逢週六、日）

網址：www.zuji.com.hk

（覺得正請記得按Like同Share俾朋友）

斯里蘭卡航空淡季平飛倫敦，來回$2,292起

今次帶大家遠赴印度洋島國：斯里蘭卡！由於飛斯里蘭卡首都科倫坡嘅直航航班得國泰同斯航，實在供不應求，票價一直企硬。但今次斯航推出嘅冷門劈，都OK抵：來回科倫坡機票HK$2,331起，連稅HK$4,206起，出發日期由10/8-28/9。Check過系統，供應量唔太多，想去了解當地文化就要把握罕劈機會。提提您，呢條雖然係直飛航線，但須中停曼谷，唔駛轉機，行李直掛到科倫坡。機票有效期為14日，最後出票日期為16/7，可以上ZUJI買。

網址：www.zuji.com.hk

（記得按下面「讚好」Share俾Facebook朋友）

冷門劈！斯里蘭卡航空來回科倫坡$2,331起

又有馬爾代夫平盤執。斯里蘭卡航空同國泰航空有一隻組合盤，來回淨機票HK$2,310起，連稅HK$4,571起，不過平係有代價：皆因要轉2次機，先搭國泰飛曼谷，然後轉搭斯航去哥倫坡，最後再轉飛馬代，中間不設中停，不過勝在機票有效期長達1個月，可以慢慢玩，加上Check過系統，供應量多，暑假及其他大節日都有貨賣。對手廉航虎航來回連稅都要三千頭兼唔包行李及飛機餐，計落斯航係諗得過的。至於直航，港航賣緊連稅約HK$6,639起，差HK$2,068，揀邊隻，自己諗。出發日期由依家到18/12，可以上ZUJI訂。

網址：www.zuji.com.hk

（覺得抵請記得按Like同Share俾朋友）

斯里蘭卡航空飛馬爾代夫來回$2,310起，連稅$4,571起，暑假都有

今日情人節，各間航空公司都推出限定劈盤，斯里蘭卡航空又嚟趁熱鬧，推出機票86折優惠，只限今日購票。Check過系統，最抵都係一批30/6前出發機票，例如馬爾代夫來回HK$2,700起（連稅HK$4,084），科倫坡HK$3,380起（連稅HK$4,815），巴黎HK$3,200起（連稅HK$5,682），法蘭克福HK$3,400起（連稅HK$5,978），全部都中停曼谷（不用轉機）及於科倫坡轉機，機票有效期1個月（科倫坡3個月）。Check過系統，呢批平飛主要集中喺5至6月，暑假冇，秋天會貴少少但仍屬合理範圍。飛巴黎及法蘭克福連稅唔過HK$6K都有得諗，馬代呢口價不過不失。至於曼谷，因為仍有黑色旅遊警示，暫不作推介。

網址：www.srilankan.com

（覺得抵請記得按Like同Share俾朋友）