X
冬天似乎真係冇乜人去日本喎！劈完又翻奄，就好似今日樂桃航空又宣佈將25/10推出過嘅大阪單程$698起再Encore，來回連稅HK$1,709起，出發日期一樣係7/1/2013 – 28/2/2013，明日（13/11）週二香港時間下午1點開賣，上次買唔到嘅fans，可以補飛啦！如果農曆新年都有呢個價……（發夢中～～～）
（記得按下面「讚好」Share俾Facebook朋友）
樂桃航空又劈啦！飛大阪又係單程$748起，來回連稅又係HK$1,809起，不過出發日期為26/11至20/12，算係Last Minute劈價啦！Check過系統，供應量充裕，唔太難搵嘅，12月頭大阪京都一帶仲有機會睇紅葉，之前冇買嘅，依家補飛啦！同時佢亦將日本國內線機票割一割，大阪飛札幌單程連稅HK$377起，來回連稅HK$749起，想去北海道玩者，夾埋兩套來回都只係HK$2,558，比國泰直航平HK$4K以上！呢次劈價限時88小時，最後出票日期為12/11（下週一）08:59（香港時間），留意喇（溫馨提示：以上所有價錢都唔包飛機餐同行李寄艙服務，須另外俾錢先有）！
（記得按下面「讚好」Share俾Facebook朋友）
19/10我哋「又飛啦！」先報導達美有隻1月份筍盤，單人飛東京都只係HK$1,640（連稅HK$2,506），同級對手聯合必定反擊啦下話～佢就整隻1月份出發（最後出發日期為31/1）嘅筍盤：飛東京來回HK$1,600，連稅只係HK$2,459，比對手平近五十，又係早機去晚機返（去程UA78 10:35/15:40，回程UA79 17:20/21:55），又係單人飛都得，差幾十蚊，揀邊間，自己諗！Check過系統，數量唔太多，要買就上官網睇睇。講開又講，小弟近排有第六感，國泰就嚟推日本劈價飛（都有一排冇做日本航點），尤其係週中限時搶個批，我哋會密切為大家留意國泰最新動向！
（記得按下面「讚好」Share俾Facebook朋友）
今日中午樂桃先開賣11月-12月單程HK$748（未連稅），Check過系統，嘩！入夜後仲有大把日子揀！更估您唔到嘅，就係佢宣佈聽日香港時間下午1點，會推出下一波劈價：出發日期為7/1至28/2，早餐價單程HK$698，來回連稅約HK$1,709，基本上係樂桃最低價錢。16/10嗰陣賣1月-2月飛仲係單程HK$748，遲買仲慳兩舊，咁搞法，如果今次啲飛唔去嘅話，遲啲會唔會再劈到HK$598甚至HK$498呢？去大阪平過台北，真係估您唔到囉～～～
（記得按下面「讚好」Share俾Facebook朋友）
尋日下午，樂桃航空先話秋冬飛大阪單程HK$748優惠截止啦！事隔一日，佢又話Encore喎！係咪真係冇人去日本呀？價錢一樣單程HK$748（來回連稅約HK$1,809），最後出發日期同上次一樣：20/12！聽日（25/9週四）香港時間下午1:00開賣。劈得咁密，唔怕乘客麻木咩？人人習慣HK$748，以後冇低過HK$500/600，乘客都未必捧場喎！除咗香港<->大阪線，佢亦將其他航線Encore再劈，特別推介北海道札幌線，依家淨係國泰有直航，港航今年冇聲氣，唔飛機會大，想平平哋去，唯有轉機啦！佢逢二／三／四單程就賣2,970 JPY起（HK$297），其他日子就4,770 JPY起（HK$477），12月初應該開始落雪，想去睇就要入手喇～～溫馨提示：以上所有價錢都唔包飛機餐及行李寄艙服務，須另外俾錢先有。28/10起，樂桃登機櫃台將搬往關西空港第二航廈，敬請留意。
（記得按下面「讚好」Share俾Facebook朋友）
又係東京！不過今次講隻1月早餐盤：坐達美航空，14/1 – 31/1出發飛東京，來回淨機票HK$1,640，連稅HK$2,506，之前日航東京冬春Promotion 淨機票每張HK$1,850，仲要2人同行先出得，達美呢隻筍盤1人飛都得，不過出發日期冇日航Last到31/3咁耐。機票有效期2-7日，Check過系統，供應量非常充裕，時間方面，去程DL156（08:20/13:55），回程DL155 （19:20/23:00），時間最靚堅係佢架啦！不過14/1先去東京？新年激安冇囉喎！有實際需求先買啦～
網址：zt.delta.com
（記得按下面「讚好」Share俾Facebook朋友）
ANA一直做緊淡季2人同行飛日本優惠，最後出發日期為30/11，但隨住對手日航／國泰已經決定延長優惠到14/12，ANA唯有跟啦（不過反應遲咗啲喎）！2人同行飛東京HK$1,990（連稅HK$2,891，比之前貴HK$122），飛大阪HK$2,090（連稅HK$3,001，比之前貴HK$121），飛名古屋HK$2,090（連稅HK$2,985，比之前貴HK$120），都係嗰句：買ANA，東京最好，大阪情願搭佢姊妹公司樂桃，名古屋時間唔靚。依家所有飛日本嘅航空公司都出齊14/12前出發嘅優惠，唔知15/11至聖誕前出發仲有冇特價飛呢？以往多數就冇，但今年發生釣魚台事件，唔知呢？官網未正式宣佈優惠延期，去真旅網買啦！
（記得按下面「讚好」Share俾Facebook朋友）
8/10，我哋「又飛啦！」先話國泰將日本平機票延長至14/12，個時大阪線仲賣緊HK$2,430，仲要2人同行先出得，點知原來國泰近排靜雞雞再劈一刀：減到HK$1,950，2-7日有效期，仲要1人出飛都得！出發日期一樣去到14/12（19/11 – 21/11除外），不過唔同嘅係：去程指定坐零晨機CX566（01:45/06:20），回程坐早上機CX567（09:30/12:55），冇得夜返。查實呢個Offer國泰之前都出過，有效期去到18/10，今次玩Encore，冇計啦！鬼叫樂桃航空頂爛市咩！連港航都唔夠佢玩，宣佈取消大阪線，睇嚟呢條線仲有排鬥。Check過系統，好多日都有得揀，最後出票日期為30/11。
（記得按下面「讚好」Share俾Facebook朋友）
X