X
國泰啱啱劈完歐洲線，靚靚瑞士航空作出反擊，推出罕有優惠：直航蘇黎世來回淨機票HK$4,369起，連稅HK$5,198起，呢口價對比上期平接近HK$700，加上以瑞士航空嚟講真係頂呱呱，值得入貨！不過上期嘅機票有效期為1年，今次得21日，但玩瑞士同附近嘅國家都夠用。出發日期為4月24至11月30日。Check過系統，供應以淡季為主，5月同10月都唔難搵平飛，至於暑假就未見。最後出票日期為5月4日，啱可上Ctrip買。
（覺得抵可用Whatsapp同LINE Share俾朋友架）
直航靚劈！瑞士航空飛蘇黎世$4,369起，11月30日前出發
靚靚瑞士航空唔係成日有平，一有就要把握喇：直航蘇黎世來回淨機票HK$5,110起，連稅HK$5,894起，呢口價以瑞士航空嚟講算係「Very骨」啦！最大賣點係機票有效期長達1年，啱晒移民客／學生哥入手，就算齋去玩，瑞士位處歐洲正中央，玩埋附近國家（例如意大利）兜個大圈都唔錯。出發日期為3月29至12月31日。Check過系統，淡季供貨量充足，暑假就無lu！啱可上瑞航官網買。
瑞航有樣好：Search Engine中嘅日曆會一次過Show晒整個月來回程邊日有平機票（藍色顯示），慳時又慳錢。
（覺得抵可用Whatsapp同LINE Share俾朋友架）
直航靚貨！瑞士航空飛蘇黎世$5,110起，1年有效期，12月31日前出發
瑞士航空少有劈價，佢剛剛出咗一隻直航蘇黎世盤，出發日期由3月29日至6月9日，來回淨機票HK$4,900起，連稅HK$6,476起，呢口價以直航嚟講都OK嘅。瑞士位處歐洲中央，加上呢張飛有效期有21日，夠時間去埋德國、奧地利或南歐玩（不過呢排瑞朗升值唔少，玩幾日瑞士好走喇）。Check過系統，平飛集中喺5月及6月頭，貨量亦唔太多。最後出票日期為2月10日，官網有售。
瑞航訂位系統有樣好：日曆會一次過顯示整個月來回程邊日有平機票（黃色顯示），好User Friendly架。
（覺得抵可用Whatsapp同LINE Share俾朋友架）
瑞航直飛蘇黎世來回$4,900起，21日期機票，6月9日前出發
瑞士航空翻推明年初歐陸早餐盤（經蘇黎世轉飛），難得連農曆新年都有！出發日期由2015年1月1日至3月10日，來回淨機票HK$3,540起，連稅計：都伯林HK$6,302起、伊斯坦堡HK$6,309起、里斯本HK6,330起、斯德哥爾摩HK$6,362起、佛羅倫斯HK$6,386起、巴塞隆拿HK$6,386起、馬德里HK$6,396起、哥本哈根HK$6,423起、米蘭HK$6,434起、布連佩斯HK$6,465起、羅馬HK$6,477起、阿姆斯特丹HK$6,490起、巴黎HK$6,527起、倫敦HK$7,654起，冷門嘅馬拉加、貝爾格勒、雅典等其他航點都有，可以慢慢發掘。由於燃油附加費調整，所以呢口價比上次仲平咗HK$100左右，最大賣點仍然係Open Jaw（不同城市往返），例如倫敦入都伯林出，來回連稅只係最低價嘅HK$6,302起，倫敦仲可以揀希斯路（LHR）或城市機場（LCY），須知道LCY位於倫敦市中心，好少航空公司會飛兼夾平呢！Check過系統，農曆年前出發（即2月10日或之前）數量足，回程日子唔難搵，不過數量唔太多，要快！而直航蘇黎世來回連稅HK$6,910起，可以睇定啲先買。最後出票日期為11月30日，可上官網買飛。
瑞航訂位系統有樣好：日曆會一次過顯示整個月來回程邊日有平機票（黃色顯示），好User Friendly架。
（覺得抵可用Whatsapp同LINE Share俾朋友架）
早餐盤翻推！瑞士航空來回歐洲$3,540起，農曆年前後都有
瑞士航空近期都幾進取，近日又推出明年初早盤經蘇黎世飛歐洲，出發日期由2015年1月1日至3月10日，來回淨機票HK$3,540起，連稅計：都伯林HK$6,406起、伊斯坦堡HK$6,413起、里斯本HK6,434起、斯德哥爾摩HK$6,469起、佛羅倫斯HK$6,490起、巴塞隆拿HK$6,491起、馬德里HK$6,502起、哥本哈根HK$6,527起、米蘭HK$6,538起、布連佩斯HK$6,569起、羅馬HK$6,581起、阿姆斯特丹HK$6,594起、巴黎HK$6,632起、倫敦HK$7,759起，冷門嘅馬拉加、貝爾格勒、雅典等其他航點都有，可以慢慢尋寶。呢口價都算OK，最大賣點當然係Open Jaw（即不同城市往返）一樣有平，例如倫敦入都伯林出，來回連稅只係最低價嘅HK$6,406起，倫敦仲可以揀希斯路（LHR）或城市機場（LCY），須知道LCY位於倫敦市中心，好少航空公司會飛兼夾平呢！Check過系統，農曆年前出發（即2月10日或之前）數量足，至於回程日子唔難搵。至於直航蘇黎世連稅貴過HK$7K，不如睇定啲再買。
瑞航有樣好：Search Engine中嘅日曆會一次過Show晒整個月來回程邊日有平機票（顏色顯示），慳時又慳錢。
（覺得抵請記得按Like同Share俾朋友）
年初早盤，瑞航飛歐洲$3,540起，可OpenJaw
飛歐洲，識貨嘅朋友都知瑞士航空係靚嘢，只可惜香港出發好少有劈盤，呢次就俾我哋率先發現原來只要肯由新加坡出發，回程照返香港，來回淨機票HK$1,170起，連稅最平可以去到HK$4,073起，加埋香港飛新加坡單程廉航包行李，都係HK$5,000唔駛，仲可以Open Jaw（正確嚟講係Double Open Jaw）！出發日期由11月至2015年5月都有！聖誕節新年冇，農曆新年有，例如新加坡經蘇黎世飛英國曼徹斯特，瑞士盧森堡經蘇黎世回香港，2015年2月18日（大年三十晚）去3月3日返來回連稅HK$4,083起；又例如去程飛伯明翰回程盧森堡，例如2015年2月6日去2月13日返，來回連稅一樣HK$4,073起，如果係正復活節假（4月4日去4月12日返）就HK$5,032起；咪以為淨係得飛英國先有，其他歐洲航點都有，例如去程飛德國法蘭克福，巴塞隆拿回香港，2015年5月5日去12日返來回連稅都係HK$4,387起。由於極多歐洲城市來回組合，建議大家上Expedia慢慢發掘，基本上連稅HK$5,000之內都搵到，個別日子或航點可能改搭同系嘅德國漢莎航空（經法蘭克福或慕尼黑轉機）。最少須逗留6日，最長1個月。轉機不可停留。Expedia比官網平多幾舊，邊度訂，自己諗（Class Code係K，只能儲極少里數，不要也罷）。最後出票日期為10月5日。
至於香港去新加坡，酷航經常有平貨買，冇特價時單程連稅連20kg行李都係HK$742起，唔駛行李就HK$610起，週一佢哋會做Promo，詳情明早先知，不過頂多平一兩舊而已。
Expedia網址：www.expedia.com.hk
瑞航網址：www.swiss.com
（覺得抵可用Whatsapp同LINE Share俾朋友架）
首報！瑞士航空新加坡往歐洲，歐洲返香港，再可Open Jaw，來回$1,170起
直航蘇黎世長久以嚟都係瑞士國際航空獨家經營，優惠真係少之又少。但自從國泰宣佈明年3月29日開航後，瑞航作出反擊，推出罕有優惠：出發日期由2015年4月1日-5月31日，來回淨機票HK$4,110起，連稅HK$6,259起，仲平過國泰之前嘅優惠HK$287。最大吸引當然係復活節旺季同勞動節期間出發都有，例如4月2日出發8號返，請3日假就可以就玩7日（抵港為9號中午）。Check過系統，呢口價4月出發供應可睇下表，5月出發供應量足，機票有效期1個月，最後出票日期為8月31日，可以上官網買。
瑞航訂位系統有樣好：日曆會一次過顯示整個月來回程邊日有平機票（黃色顯示），好User Friendly架。
15年4月去程仲有平飛日期：1, 2, 3, 4, 5, 6, 7, 8, 9, 11, 14, 15, 16, 19, 20, 21, 22, 26
航班時間：
去程：LX139 23:15 – 06:10 (+1)
回程：LX138 22:45 – 16:55 (+1)
（記得按下面「讚好」Share俾Facebook朋友）
超遠期貨！瑞士航空直飛蘇黎世來回HK$4,110起，復活節都有
好少介紹瑞士航空，因為佢好少劈價，不過佢最近做緊嘅冬春劈的確有睇頭：經蘇黎世轉飛一眾歐洲城市（除咗大城市如阿姆斯特丹，巴塞隆拿外，仲有冷門嘅布達佩斯，馬拉加，都伯林，總之一大堆）來回淨機票HK$3,400起，連稅HK$6,642起，但最值錢係機票有效期長達3個月，加上Open Jaw（即不同城市往返）一樣有平，例如倫敦入里斯本出，來回連稅只係最低價嘅HK$6,642起，倫敦仲可以揀希斯路（LHR）或城市機場（LCY），須知道LCY位於倫敦市中心，好少航空公司會飛兼夾平呢！相比中東三寶更有睇頭。出發日期為6/2 – 31/5。Check過系統，除咗復活節附近日子冇之外，其他日子唔難搵。直航蘇黎世就貴啲，來回淨機票HK$4,340起，連稅HK$6,650，其實都抵買嘅～
瑞航有樣好：Search Engine中嘅日曆會一次過Show晒整個月來回程邊日有平機票（藍色顯示），慳時又慳錢。
（覺得抵請記得按Like同Share俾朋友）
X