感謝又飛啦旅人團團友陳力行報料，昨日介紹過卡塔爾航空飛歐洲嘅優惠（http://flyagain.la/38761），價錢都唔錯。想再平啲，不如試下係日本出發：由東京出發飛歐洲，回程返香港，來回連稅HK$2,685起。卡塔爾係歐洲嘅航點都多，包括阿姆斯特丹、米蘭、斯德哥爾摩、布魯塞爾、法蘭克福、哥本哈根、倫敦、巴黎等。舉例2016年11月9日出發，11月16日回程，來回連稅參考價格如下：

1. 東京->比薩 // 比薩->香港，來回連稅HK$2,685起
2. 東京->倫敦 // 索非亞->香港，來回連稅HK$3,176起
3. 東京->馬德里 //馬德里->香港，來回連稅HK$3,520起
4. 東京->薩格雷布 //薩格雷布->香港，來回連稅HK$3,685起
5. 東京->巴塞隆拿 //巴塞隆拿->香港，來回連稅HK$3,822起
6, 東京->法蘭克福 // 法蘭克福->香港，來回連稅HK$3,966起
7. 東京->巴黎 // 巴黎->香港，來回連稅HK$3,972起
8. 東京->倫敦 // 倫敦->香港，來回連稅HK$4,249起

以上組合只屬建議，您可以依據自己喜好拼合，於Expedia香港發掘心水城市組合，搵出至平至抵嘅票。今次呢張飛出發日期去到出年2月，橫跨除夕、農曆新年都搵到平飛，不過三千左右呢口價嘅航點多數係歐洲二三線城市，熱門城市多數係三千中至四千，安排行程果陣要留意番。至於里數，去程為W，只可儲落卡航本身計劃中，儲25%；回程係O，可以儲入英航Avois或美國航空中（國泰無里數儲），當然亦可儲入卡航計劃，同樣只得25%。去程只需額外加購一張廉航單程飛東京機票，可選擇的有HK Express、Jetstar或香草航空。

【出發日期】即日起至2017年2月28日
【機票有效期】3個月
【最後出票日期】4月15日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

連稅三千有找！卡塔爾航空東京飛歐洲，回程返香港$2,685起，2017年2月28日前出發

一向有追開「又飛啦！」Fans都知乜嘢叫「平霸三寶」：即係國航、東航同埋今次介紹嘅卡塔爾航空！卡卡航空今輪又拎一批秋冬機票劈劈劈，唔同佢對手阿聯酋，出發日期可以早至3/10（日期為：3/10 – 15/10；1/11 – 14/12）！個陣歐洲只係入秋，未凍得晒，南歐地方更加係最佳旅遊時間（因為暑假天氣勁熱，我就親身試過喇），所以要留意啦！佢揀咗24個城市減價，包括：斯德哥爾摩、巴賽隆納、布魯塞爾、布達佩斯、巴黎、哥本哈根、莫斯科、羅馬、法蘭克福、日內瓦、倫敦、馬德里、曼徹斯特、蒙尼黑、米蘭、尼斯、奧斯陸、布加勒斯特、索非亞、史徒加特、柏林、威尼斯、維也納、蘇黎世，價錢方面，連稅價計，熱門城市如倫敦HK$7,329（唔平喎）、羅馬HK$6,095（同國航有得揮）、巴塞隆拿HK$6,122（呢個堅抵！簡直平通街）、巴黎HK$6,417（合理平價），想知其他就上官網自己Search啦！提提您，呢個優惠香港去多哈限左QR817（18:50/22:35），機票有效期3-30日。

網址：http://www.qatarairways.com/hk

（記得按下面「讚好」Share俾Facebook朋友）

今日收到風，卡塔爾航空聽日（週三）會推出秋冬早餐盤，由13/6至4/7訂購2/9至14/12秋冬時份嘅歐洲機票，淨票價低至HK$2,450起：不過跟開「又飛啦！」嘅Fans，都深知佢不嬲「妹仔大過主人婆」 – 即係佢下欄（油附連稅）仲貴過張機票！Check過系統，未特價嘅歐洲秋冬機票一般做緊淨票HK$3,500左右，咁即係大約減千零二千蚊左右，連稅大約六千左右，好抵架啦！暫時淨係知道以下航線有得減：巴塞隆拿、柏林、布魯塞爾、布加勒斯特、布達佩斯、哥本哈根、法蘭克福、日内瓦、倫敦、馬德里、曼徹斯特、米蘭、莫斯科、慕尼黑、尼斯、奧斯陸、巴黎、羅馬、索非亞、斯德哥爾摩、斯圖加特、威尼斯、維也納、蘇黎世（嘩！差唔多乜歐洲城市都有），想知佢邊個城市賣幾多錢，一陣00:00上官網望一望，或者聽早囉！提提你，由2/9起卡塔爾航空香港<->多哈會增至每日2班，多咗航班，多啲供應，希望可以繼續保持歐洲平霸三寶之一地位啦！

網址：www.qatarairways.com/hk

（記得按下面「讚好」Share俾Facebook朋友）

卡卡航空貴為歐洲平霸三寶之一（另外兩間當然係強國航空同羅宋湯航空），想執平貨當然唔好漏咗佢。今晚20:00開始，佢哋仲會劈出一批平盤，目的地包括柏林（連稅HK$6,928，下同）、布加勒斯特（HK$6,517）、布達佩斯（HK$6,533）、法蘭克福（HK$7,100）、倫敦（HK$7,755）、曼徹斯特（HK$7,485）、慕尼黑（HK$6,985）、索非亞（HK$6,423）、斯圖加特（HK$6,913）、薩格勒布（HK$6,463）， 平咗近二千幾三千，尤其係佢適用日期包括暑假頭尾兩段（中間14/7 – 15/8不適用），都盡量做到暑假有平飛（不過相信暑假唔會日日有呢口價，會稍為調高一啲）。出發日期最遲去到30/11，最後出票日期為本週日（20/5）23:59，今晚同Friend食飯，不妨夾下暑假齊齊去歐洲啦！

留意位：

1. 訂票日期：18/5 20:00 – 20/5 23:59

2. 出發日期：19/5 – 13/7、16/8 – 30/8、17/9 – 30/11

3. 機票有效期：3-30日

網址：http://www.qatarairways.com

（記得按下面「讚好」Share俾Facebook朋友）