請即Like 又飛啦！Facebook Page
今日收到風，卡塔爾航空聽日（週三）會推出秋冬早餐盤，由13/6至4/7訂購2/9至14/12秋冬時份嘅歐洲機票，淨票價低至HK$2,450起：不過跟開「又飛啦！」嘅Fans，都深知佢不嬲「妹仔大過主人婆」 – 即係佢下欄（油附連稅）仲貴過張機票！Check過系統，未特價嘅歐洲秋冬機票一般做緊淨票HK$3,500左右，咁即係大約減千零二千蚊左右，連稅大約六千左右，好抵架啦！暫時淨係知道以下航線有得減：巴塞隆拿、柏林、布魯塞爾、布加勒斯特、布達佩斯、哥本哈根、法蘭克福、日内瓦、倫敦、馬德里、曼徹斯特、米蘭、莫斯科、慕尼黑、尼斯、奧斯陸、巴黎、羅馬、索非亞、斯德哥爾摩、斯圖加特、威尼斯、維也納、蘇黎世（嘩！差唔多乜歐洲城市都有），想知佢邊個城市賣幾多錢，一陣00:00上官網望一望，或者聽早囉！提提你，由2/9起卡塔爾航空香港<->多哈會增至每日2班，多咗航班，多啲供應，希望可以繼續保持歐洲平霸三寶之一地位啦！
（記得按下面「讚好」Share俾Facebook朋友）
Hello 我是台灣人 您這資訊對我很有用 但一謝用語我實在看不懂
噢，不好意思，有什麼不明白可以幫你？