飛英國直航點都有一班穩定粉絲，今次可以睇睇維珍航空呢隻早餐盤。出發日期由4月20日至6月17日，來回淨機票HK$3,730起，連稅計：直航倫敦HK$6,323起，經倫敦轉飛鴨巴甸（或譯作亞伯丁）HK$6,608起、愛丁堡HK$6,609起，如果想Open Jaw或Stop Over倫敦只需補HK$100，咁就可以不走回頭路，由蘇格蘭玩落英格蘭。Check過系統，平飛集中喺5月前出發，機票有效期2個月，探親或玩盡英倫三島都夠哂時間，最後出票日期為1月31日，啱就上官網買。

網址：www.virgin-atlantic.com

（覺得抵可用Whatsapp同LINE Share俾朋友架）

英國平盤！維珍航空直航倫敦、轉機飛愛丁堡、鴨巴甸$3,730起，6月17日前出發

想一機直達英國，舒舒服服由上機瞓到落機，不如睇睇維珍航空呢隻早餐盤。上月佢曾經出過，不過出發日期去到3月31日（詳情請睇：http://flyagain.la/18562），今次就由4月20日至6月17日（即係冇復活節），來回淨機票HK$3,730起，連稅計：直航倫敦HK$6,334起，經倫敦轉飛愛丁堡HK$6,661起、鴨巴甸（或譯作亞伯丁）HK$6,861起，呢口價以維珍嚟講非常抵玩，如果想Open Jaw或Stop Over倫敦只需補HK$100，咁就可以不走回頭路，由蘇格蘭玩落英格蘭。Check過系統，平飛集中喺5月前出發，機票有效期2個月，探親或玩盡英倫三島都夠哂時間，最後出票日期為1月31日，啱就上Expedia買。

網址：www.expedia.com.hk

（覺得抵可用Whatsapp同LINE Share俾朋友架）

維珍航空平飛英倫，來回倫敦、愛丁堡、鴨巴甸$3,730起，6月17日前出發

質素高嘅維珍航空，趁年尾淡靜期推出英國三個城市（經倫敦轉機）優惠，來回淨機票HK$3,630起，連稅計：愛丁堡HK$6,838起，鴨巴甸（或譯作亞伯丁）HK$6,844起，曼徹斯特HK$7,008起（倫敦反而冇特價），出發日期為2015年1月7日至2月11日；2月23日至3月31日。呢隻飛最大賣點係機票有效期長達1年，學生哥／移民客好啱用，Check過系統，農曆新年要提前出發（例如2月11日飛，2月19/20日返，否則要3月返先有此價），反而復活節唔難搵，例如3月27日去4月12日返，飛亞伯丁更低至HK$6,674起，以維珍嚟講非常抵玩。最後出票日期為2015年1月13日，官網貴Expedia約HK$200，去邊度買，自己諗。

網址：www.expedia.com.hk

（覺得抵可用Whatsapp同LINE Share俾朋友架）

維珍航空來回英國鴨巴甸，曼徹斯特，愛丁堡$3,630起，連稅$6,838起，3月31日前出發

維珍航空推出轉機優惠，出發日期由依家至12月3日、12月24日至2015年2月12日、2月23日至5月31日：經倫敦轉飛鴨巴甸、愛丁堡、曼徹斯特來回淨機票HK$4,190起，連稅$7,660起，今次呢口價比上次優惠平咗HK$200左右，雖然今次冇直航倫敦優惠，但補返稅嘅差價就可以stopover倫敦，加上可以OpenJaw，咁就可以由蘇格蘭玩到去英格蘭。Check過系統，淡季供應量足，聖誕跨年旺季就未有平。機票有效期1個月。提提您：曼徹斯特來回倫敦航線將於3月28日停航，而愛丁堡及鴨巴甸來回倫敦將營運至9月26日。故此回程要喺呢個日子之前，最後訂票日期12月12日，有興趣可上ZUJI訂飛。

網址：www.zuji.com.hk

（覺得抵可用Whatsapp同LINE Share俾朋友架）

維珍英式經典盤，飛愛丁堡，鴨巴甸，曼徹斯特$4,190起，可Stopover倫敦

唔想轉機飛倫敦，可以考慮維珍航空推出嘅2人同行優惠，出發日期為10月5日至12月17日、12月24日至12月31日：直航倫敦每位來回價HK$3,990起，連稅HK$7,515起，呢口價直航嚟講都算OK；另外經倫敦轉飛鴨巴甸、愛丁堡、曼徹斯特都有平，連稅$7,776起，補返稅嘅差價就可以stopover倫敦。呢隻盤最大賣點係機票有效期長達3個月，探親絕對啱用。Check過系統，供應量足，聖誕跨年旺季都有。提提您，鴨巴甸同曼徹斯特航線要經維珍航空訂位部（2532-6060）先訂到。訂票日期由依家到9月20日，有興趣可上Travelzen訂飛。

網址：www.travelzen.com

（覺得抵可用Whatsapp同LINE Share俾朋友架）

聖誕跨年都有！維珍航空2人同行飛倫敦、鴨巴甸、愛丁堡、曼徹斯特每位來回$3,990起，3個月有效期

唔想轉機去歐洲，可以考慮維珍推出嘅直航倫敦早餐盤，來回價HK$3,950起，連稅HK$7,317起，出發日期為2014年 1/9 – 30/11、8/12 – 17/12、23/12 – 31/12；2015年 9/1 – 16/2、22/2 – 1/4、7/4 – 31/5。有興趣食返個英倫早餐，呢口價黎講，都算OK。Check過系統，轉機飛曼徹斯特、鴨巴甸、愛丁堡，來回價都係HK$3,950起，補返稅嘅差價就得，連稅計HK$7,717起。機票有效期為1個月，訂票日期由依家到30/6，有興趣上ZUJI訂啦。

網址：www.zuji.com.hk

（覺得抵請記得按Like同Share俾朋友）

維珍早盤，直航倫敦$3,950起

倫敦直航機票好少有平（除咗國泰出fanfares價），如果唔介意15/6前出發，呢隻其實幾抵買：維珍航空剛延長佢隻直航優惠，來回淨機票HK$3,500起，連稅HK$6,977，比中東三寶轉機貴幾百蚊而已，直航喎！是抵買的，而且維珍話晒來回都係夜機（去程VS201 23:25 / 05:25，回程22:30 / 17:50），一上機可以大覺瞓，瞓醒食完早餐／晚餐就落機，爽呢！Check過系統，供應量唔太多。機票有效期1個月，最後出票日期為13/5（即係聽日），ZUJI有售。

提提您：呢隻平飛Class Code係”O”，有積分儲，可以儲落維珍flyingclub 或同系嘅達美航空「飛凡哩程常客計劃」，同樣儲足100%里數（約11,940里），建議入落達美度，話晒佢係Sky Team（天合聯盟）一員，將來兌換免費機票都有多啲航空公司揀（例如可換華航台灣線）。

網址：www.zuji.com.hk

（覺得抵請記得按Like同Share俾朋友）

直航筍盤！維珍春季飛倫敦來回$3,500起，1個月有效期，6月15日前出發

上年送，今年再送！買維珍航空來回悉尼機票（HK$3,980起，未連稅），即送一年一度嘅悉尼皇家「澳」妙嘉年華入場券！最後今日咋！或者喺4月22日前買5日3夜自由行套票（HK$4,899起，未連稅），都可以免費送您入場券！今年嘉年華將會喺10/4 – 23/4舉行（即係復活節期間，Yeah），規模比香港嘅嘉年華大好多倍。除咗大量機動遊戲，仲有好多澳洲動物同大家Happy！加上有嘢食、有嘢買、有大量精采表演，可以玩足成日，仲可以順便玩埋悉尼同周邊地區。依家只要購買維珍飛悉尼產品，就可以免費獲得入場券！包括：

1. 維珍航空來回悉尼機票〔HK$3,980起未連稅〕（限1/4 – 22/4出發及13/3前出票）或

2. 「精選套票」5日3夜自遊行 〔HK$4,899起未連稅〕（限1/4 – 22/4出發）或

3. 澳洲悉尼皇家「澳」妙嘉年華5天團〔HK$ 6,999起未連稅〕（限8/4 – 21/4出發）

每人即可免費換領悉尼皇家「澳」妙嘉年華入場券1張（價值AUD38.5，折合HK$267左右）。

請留意：如想獲得免費入場券，必須經指定旅行社出票／買套票／參加旅行團，詳情請睇：www.virgin-atlantic.com

悉尼皇家「澳」妙嘉年華已經有 191 年歷史，以前係俾農民趁收割後大家出嚟聚一聚，之後愈來愈受民眾歡迎，不斷加入更多玩樂元素。今時今日，已成為南半球每年最大型嘅嘉年華，每年都會吸引超過九十萬人次入場。咁究竟悉尼皇家「澳」妙嘉年華有乜嘢玩呢？包括：

• 大隻猛男伐木技巧表演（女士們請尖叫）！
• 得獎澳洲家畜大哂冷：超過一萬四千隻農場動物牛、綿羊、馬、豬、山羊、狗、羊駝，以及其他澳洲本土動物齊齊登場，大鬧嘉年華
• 農莊動物育兒室：初生小動物等著您來呵護餵飼
• 極限娛樂體驗：刺激、驚險嘅電單車飛人同埋汽車特技表演
• 澳洲大型機動遊戲和遊藝活動，一家大細最Happy
• 三百多款場內限定嘅奇趣包：類似日本福袋，內含多種玩具、商品、糖果同零食等商品，總之俾您無窮驚喜！
• 晚上炫目璀璨嘅煙花匯演
• 享用澳洲地道美食、海鮮，同埋品嚐頂級紅酒

想知嘉年華詳情，可以去官網睇睇：www.eastershow.com.au

（記得按下面「讚好」Share俾Facebook朋友）