尋日我哋介紹過芬蘭航空冬天歐洲盤，如果嫌連稅七千頭貴，咁呢隻Double Open Jaw盤絕對睇：只要肯由曼谷出發，回程照返香港，飛波蘭華沙來回淨機票HK$2,466起，連稅HK$4,662起，加埋香港飛曼谷單程廉航包行李（約HK$800起），都係HK$5,500唔駛，對比起香港來回華沙連稅HK$7,048起，足足平咗HK$1,500！同一招數用喺其他航點都有平，連稅計（未計香港飛曼谷單程廉航）：日內瓦HK$4,919起、蘇黎世HK$5,032起、阿姆斯特丹HK$5,196起、巴塞隆那 / 布拉格HK$5,309起、米蘭HK$5,435起、布魯塞爾HK5,083起、巴黎HK$5,334起、羅馬HK$5,485起。呢口價可以Open Jaw（正確嚟講係Double Open Jaw）！Check過系統，出發日期主要集中喺11月，機票有效期為1個月，不設中停。要用Ebookers英國站訂，用英磅定價，信用卡公司會收取小量手續費，不過折扣之大，足以彌補手續費損失。最後出票日期為9月23日。

提提您：香港飛曼谷單程廉航之價格以亞洲航空作參考，佢飛曼谷廊曼機場，芬蘭航空則以蘇凡納布機場為出發地，來往兩個航站樓可於廊曼機場地下搭免費接駁巴士（營運時間：08:30-23:30），建議最好預鬆起碼4-5小時轉機，又或者索性留曼谷玩幾日先飛歐洲。

溫馨提示：海外旅遊網站不受香港旅遊業協會監管，風險必須自負；如有服務需要，亦需親自打海外熱線／電郵聯絡，IDD費用需要自付。

網址：www.ebookers.com

（覺得抵可用Whatsapp同LINE Share俾朋友架）

首報！芬蘭航空曼谷往歐洲，歐洲返香港，再可Open Jaw，來回連稅$4,662起

芬蘭航空係小小編其中一間好鍾意嘅航空公司，服務水平好有保證，不過佢少有劈價，今次就有喇！出發日期由9月30日至明年3月29日：經芬蘭首都赫爾辛基轉機至歐洲各大城市，來回淨機票HK$3,990起，連稅計：馬拉加HK$7,016起、華沙HK$7,048起、日內瓦HK$7,090起、巴塞隆那HK$7,099起、馬德里HK7,110起、布拉格HK$7,114起、米蘭HK$7,149起、布達佩斯HK$7,180起、布魯塞爾HK7,190起、羅馬HK$7,194起、蘇黎世HK$7,204起、阿姆斯特丹HK$7,206起、巴黎HK$7,245起、聖彼德堡HK$7,213起、莫斯科HK$7,225起、漢堡HK$7,466起、維也納HK$7,516起、柏林HK$7,539起、杜塞道夫HK$7,541起、慕尼黑HK$7,579起、法蘭克福HK$7,666起、曼徹斯特HK8,122起、倫敦HK8,383起。呢口價唔算話係好平，但賣點有三：1. 可以Open Jaw；2. 駁機時間快，停赫爾辛基大概一至兩個鐘就有機走；3. 機票有效期1個月。不過最搞笑嘅係：如果只係去赫爾辛基嘅，係冇得減嘅！想Stopover赫爾辛基？Sorry！都唔得！Check過系統，呢口價供應量足，不過旺季期間就無喇。就最後出票日期為9月23日，啱就上ZUJI或官網買啦。

ZUJI網址：www.zuji.com.hk

官方網址：www.finnair.com

（覺得抵可用Whatsapp同LINE Share俾朋友架）

芬蘭航空冬天歐洲盤，來回歐洲各線$3,990起，可Open Jaw

飛歐洲春天筍盤，仲有芬蘭航空喎！出發日期由依家到4/2；15/2至31/5，飛歐洲各大城市經芬蘭首都赫爾辛基轉機，淨機票HK$3,420起，城市眾多，主要嘅如阿姆斯特丹／倫敦／巴黎／蘇黎世／法蘭克福等等都有，芬蘭同周圍地方當然有啦！大部份連稅後約七千左右，唔算超級平，但芬蘭最大賣點係駁機時間快，通常喺赫爾辛基等一至兩粒鐘就有機駁走；此外，機票有效期長達一個月，都係賣點之一。不過最搞笑嘅係：如果只係去赫爾辛基嘅，係冇得減嘅！想Stopover赫爾辛基？Sorry！唔得！Check過系統，話就話依家開始到五月尾都有得減，事實上平飛主要集中喺二月及四月尾打後，三月就超級貴（唔知點解）！至於三月尾近復活節出發嘅，都唔算太貴，連稅HK$8K都搵到，大家不妨慢慢發掘下心水城市幾時有特價飛喇！

網址：www.finnair.com

（記得按下面「讚好」Share俾Facebook朋友）

尋晚同大家介紹荷航／法航Last Call緊嘅歐洲早餐盤，今次就介紹呢隻新鮮歐陸早餐盤：芬蘭航空飛歐洲各大城市HK$3,920（未連稅）起，出發日期為16/1 – 4/2；15/2 – 31/3，計埋稅，巴黎來回HK$7,675起，倫敦HK$8,671起，羅馬HK$7,504起，巴塞隆拿HK$7,725起，馬德里HK$7,735起，法蘭克福HK$8,092起，價錢的確比其他對手貴啲，但勝在3月尾貼近復活節出發仲有唔少供應，趁依家冇乜人知，諗諗佢吖！

咁芬蘭航空又有乜嘢漏洞值得注意？如果揀唔同城市來回，只要掉一掉轉城市，價錢隨時有驚喜！就以7/3去歐洲19/3返港為例，如果巴黎入倫敦出，來回連稅HK$8,671，但如果掉轉行（即倫敦入巴黎出），來回連稅竟然只係HK$7,675，等於巴黎來回價錢（仲平過法航HK$300）！須知道倫敦機場稅一向全球至貴，依家話晒有一程機係經倫敦，下欄費竟然不變：淨機票明明大家同樣HK$3,920，掉一掉轉就慳成HK$1,000！另一例子：巴塞隆拿入法蘭克福出，連稅HK$8,192，掉一掉轉，法蘭克福入巴塞隆拿出，連稅HK$7,625！咪仲平過巴塞隆拿來回？咁又慳咗HK$567喎！由於城市組合太多，不妨自己上芬蘭航空官網尋下寶吧！

網址：www.finnair.com

（記得按下面「讚好」Share俾Facebook朋友）

Facebook網友Blty Ho想明年1月或2月飛去北歐過凍冰冰假期。現時只有芬蘭航空提供香港直航北歐服務。如果想慢慢遊北歐，玩齊挪威／瑞典／芬蘭甚至波羅的海三國，起碼要買張1個月有效期嘅機票。Check過系統，搭芬航直航赫爾辛基，最抵去有兩個時份：一係今年12月最尾嗰幾日到1/1/2012出發，一係明年二月頭出發，玩足1個月張機票都係HK$5,440（連稅HK$7,795），好抵架！話時話，搭芬航轉機去歐洲其他國家好多都做緊HK$4,990，雖然唔係最平，但由於赫爾辛基位於歐洲入口，再轉機去其他歐洲城市會比去英國／法國為快，值得考慮架！

網址：www.finnair.com

（記得按下面「讚好」Share俾Facebook朋友）