仲有呀！大家至愛的「台港歐」超平歐洲機票仍在眼前，更難得是明年復活節+清明節連假期間還有！請6日假玩14日，還不把握機會？再介紹多一次：只要選擇台灣出發（可選擇台北／台中／高雄，航空公司包括國泰港龍長榮及華航）往香港，然後香港來回歐洲（一般會選搭德國漢莎航空，但有時會派送同系的瑞士航空），來回連稅低至HK$3,498（TWD13,802）起，城市組合極多，基本上德國漢莎與瑞航有覆蓋的地點，均可組合出來回連稅低於或HK$4,000（TWD15,783）左右的選擇。

就以明年復活節出發為例（3月23日夜機出發，4月5日抵港，請6日假玩14日），如果第一程台灣往香港選擇9月，整個台港歐組合票來回連稅如下：

1. 馬德里HK$3,498（TWD13,802）起
2. 布魯塞爾HK$3,568（TWD14,078）起
3. 莫斯科HK$4,002（TWD15,824）起
4. 米蘭HK$4,030（TWD15,901）起
5. 柏林HK$4,033（TWD15,947）起
6. 布拉格HK$4,070（TWD16,093）起
7. 華沙HK$4,130（TWD16,330）起
8. 赫爾辛基HK$4,135（TWD16,350）起
9. 奧斯陸HK$4,179（TWD16,489）起
10. 斯德哥爾摩HK$4,186（TWD16,489）起
11. 巴塞隆納HK$4,254（TWD16,821）起
12. 阿姆斯特丹HK$4,364（TWD17,219）起

如果想Open Jaw（不同城市往返），價格參考如下：
1. 台灣（北中高）->香港->馬德里->布魯塞爾->香港，來回連稅HK$3,568（TWD14,108）起
2. 台灣（北中高）->香港->巴黎->布魯塞爾->香港，來回連稅HK$3,888（TWD15,373）起
3. 台灣（北中高）->香港->華沙->盧森堡->香港，來回連稅HK$3,915（TWD15,480）起
4. 台灣（北中高）->香港->札格拉布->里斯本->香港，來回連稅HK$3,924（TWD15,516）起
5. 台灣（北中高）->香港->羅馬->巴黎->香港，來回連稅HK$3,986（TWD15,761）起

以上組合只屬建議，您可以依據自己喜好拼合，大家不妨花時間於香港Expedia網站發掘心水城市組合。至於出發日期，第一程台灣往香港可以選擇9月至2016年1月及3月期間，第二及三程歐洲線一般在2016年3月至2016年4月中較易找到。

港澳朋友只需添加一張港澳往台灣平機票（例如HK Express往台中，台灣虎航澳門往台北及高雄），先使用第一程，然後相隔一段日子才開始歐洲之旅，玩完台灣再玩歐洲，來回連稅可能連HK$4,000也不用，絕對極品抵！

至於台灣朋友就更簡單：第一程台灣往香港只當作Stop Over（中停）幾天，就立即轉機往歐洲。最後一程可額外買HK Express單程由香港往台中，結合計算，台灣飛歐洲來回連稅不過TWD16,000，還可免費中停香港，比起一般台灣來回歐洲平近一半，沒有不買理由吧！一如上次，請往香港Expedia搶購。

提提您：第一段台灣往香港必須乘搭，一旦No Show，其後行程均會被航空公司取消，敬請留意！

網址：www.expedia.com.hk

（覺得抵可用Whatsapp同LINE Share俾朋友架）

台港歐組合，復活節都有！台灣往香港＋漢莎來回歐洲連稅$3,498起

坐長途機如果可以有杯Welcome Drink，再有份豐富飛機餐，仲可以舒舒服服瞓到落機，得！好坐商務艙啦！今次卡塔爾航空賣大包，只要訂2人或以上（最多一次8位）嘅商務客艙機票，即可享買1送1優惠！勁多航點都有！出發日期由5月15日至7月9日、7月21日至8月19日、9月11日至12月10日，每人來回連稅計：奧斯陸HK$15,563起、伊斯坦堡HK$15,565起、斯德哥爾摩HK$15,595起、哥本哈根HK$15,653起、阿姆斯特丹HK$15,687起、米蘭HK$15,701起、布達佩斯HK$15,703起、蘇黎世HK$15,756起、羅馬HK$15,781起、慕尼黑HK$16,050起、法蘭克福HK$16,186起、華沙HK$16,230起、巴黎HK$16,282起、巴塞隆拿HK$16,301起、威尼斯HK$16,302起、馬德里HK$16,369起、倫敦HK$18,622起。呢張飛可以OpenJaw，又平又可以玩多幾個地方。今次價錢比上期再平多HK$500左右，熟行情嘅朋友，一定知道呢口價係抵玩，而且香港來往多哈有機會坐同屬寰宇一家嘅國泰航空，當然出發同轉機各站都可以喺貴賓室休息吓。而多哈來往歐洲更可揀A380甚至787夢幻客機，加上里數賺得比經濟客艙更多，呢張飛可以享有125%里數，用亞洲萬里通（Asia Miles）來回巴黎就有17,494里程，可換到來回高雄機票（需15,000里兌換）計落絕對有So。Check過系統，供應量足，機票有效期3個月，最後出票日期為5月17日。

網址：www.qatarairways.com

（覺得抵可用Whatsapp同LINE Share俾朋友架）

商務客艙買1送1！卡塔爾航空飛歐洲每人來回連稅$15,563起，可Open Jaw

英航香港來回歐洲票價一向高企，不過呢一招可能幫大家慳唔少：只要先搭國泰（或馬航，相信您都唔會搭）由吉隆坡返香港，然後隔一段日子（因為可中停香港）再搭英航飛歐洲（換言之拆開兩個Trip玩），來回淨機票HK$1,330起，連稅HK$2,718起，可謂極品抵買！至於航點，基本上覆蓋英航所有歐洲城市，熱門如巴塞隆拿（來回連稅，下同）HK$3,235起、馬德里HK$3,323起、阿姆斯特丹HK$3,337起、米蘭HK$3,393起、巴黎HK$3,408起、斯德哥爾摩HK$3,414起、羅馬HK$3,431起、奧斯陸HK$3,525起、蘇黎世HK$3,535起、布達佩斯HK$3,571起、倫敦HK$3,605起、維也納HK$3,626起、慕尼黑HK$3,722起、布魯塞爾HK$3,781起、法蘭克福HK$3,802起，但更有睇頭係一眾冷門又罕劈嘅地點，例如直布羅陀HK$3,305起、華沙HK$3,313起、薩格勒布HK$3,320起、里斯本HK$3,333起、尼斯HK$3,455起，數之不盡，仲可以坐A380兼可免費中停倫敦及Open Jaw添（最平Open Jaw就係圖中嘅倫敦入巴塞隆拿出）！大家不妨花時間組合心水來回城市。Check過系統，供應量不太多，平飛主要係6月中前出發，之後出發就冇咁平。

就算加埋香港飛吉隆坡AirAsia飛，來回埋單唔駛四千！比尋晚介紹嘅漢莎Double Open Jaw更有睇頭，事關搭英航+國泰可以將里數儲入Avio里數計劃中，以100%計一共約賺13,xxx里以上（不過留意4月28日後購買就要用新方法計里數，由以往100%大幅降至25%，幸好以出票日期計而非旅遊日期），足以換取一張來回台北機票！咁您話抵唔抵呢？機票有效期長達1年，官網冇呢口價，即刻去Expedia搶飛！

提提您：第一段吉隆坡返香港必須要飛，一旦No Show，其後行程均會被航空公司取消，敬請留意！

網址：www.expedia.com.hk

（覺得抵可用Whatsapp同LINE Share俾朋友架）

國泰吉隆坡返香港 + 英航香港來回歐洲，連稅$2,718起，坐A380再賺台北機票！6月份出發

中東三寶之一嘅卡塔爾航空推出全球優惠，一如以往，歐洲航線最吸引，來回HK$2,000起，連稅計：馬德里HK$4,347起、羅馬HK$4,369起、巴塞隆那HK$4,409起、巴黎HK$4,564起、伊斯坦堡HK$4,683起、米蘭HK$4,779起、奧斯陸HK$4,799起、斯德哥爾摩HK$4,837起、蘇黎世HK$4,905起、曼徹斯特HK$4,945起、慕尼黑HK$5,067起、華沙HK$5,144起、布達佩斯HK$5,201起、法蘭克福HK$5,202起、哥本哈根HK$5,261起、倫敦HK$5,266起、愛丁堡HK$5,562起，以上各價比上期平HK$100或以上，其中曼徹斯特跌穿HK$5K真係辣手即搶（話晒英倫盤五千幾蚊係心理關口）！一如以往，可以Open Jaw（請用Multi-City去Search），如果飛英國，回程揀非英國走，可以慳番成千蚊英國離境稅添。出發日期由4月1日至7月10日，Check過系統，機票供應以淡季為主。機票有效期1個月，最後出票日期為3月13日。

網址：www.qatarairways.com

（覺得抵可用Whatsapp同LINE Share俾朋友架）

四千幾蚊遊歐洲！卡塔爾航空來回歐洲連稅$4,347起，7月10日前出發

中東三寶之一嘅卡塔爾航空又嚟早餐盤喇，出發日期由1月14日至7月10日（視乎航點），經多哈轉機來回淨機票HK$2,060起，連稅計：莫斯科HK$5,087起、奧斯陸HK$5,108起、馬德里HK$5,122起、斯德哥爾摩HK$5,153起、米蘭HK$5,266起、蘇黎世HK$5,309起、巴黎HK$5,378起、威尼斯HK$5,382起、布達佩斯HK$5,475起、巴塞隆那HK$5,541起、羅馬HK$5,551起、哥本哈根HK$5,575起、法蘭克福HK$5,652起、倫敦HK$6,293起，其他歐洲航點都有。呢口價同上期75折優惠相約，大部份航點都平過HK$6K，而且卡塔爾航空品質有保證（部份香港<->多哈航班甚至可揀國泰添）。一如以往，可以Open Jaw（請用Multi-City去Search），如果飛英國，回程揀非英國走，可以慳番成千蚊英國離境稅添～

另外，上次介紹過嘅先飛歐洲再去澳洲，今次都有，香港飛歐洲可試奧斯陸／馬德里／慕尼黑／柏林／華沙，回程澳洲可揀墨爾本／柏斯（悉尼／阿德萊德都有，不過限4月底前完成），來回淨機票HK$3,640起，舉例香港飛挪威奧斯陸，再由奧斯陸飛澳洲墨爾本連稅計HK$5,005起（仲平過來回香港喎），再加一張澳洲嘅廉航（例如酷航或捷星）單程返香港連稅約HK$1,400（未包行李費，仲可以免費玩埋新加坡），埋單分分鐘連6千都唔駛呀，大假長啲真係可以一次過玩齊南北地球。

Check過系統，呢口價淡季供應為主，機票有效期為1個月，最後出票日期為1月26日。

網址：www.qatarairways.com

（覺得抵可用Whatsapp同LINE Share俾朋友架）

平Again！卡塔爾航空歐洲來回$2,060起，回程返香港或澳洲都得，7月10日前出發

卡塔爾航空隻歐洲優惠（詳情請睇：http://flyagain.la/18666）延長多一日至今晚23:59，今次介紹佢另一隻超超超超超超超級平貨：6千蚊一口價俾您玩晒冰天嘅歐洲以及火辣辣嘅澳洲！點解咁筍？又因為卡塔爾嘅OpenJaw優惠囉：出發日期由3月1日至4月30日，復活節旺季都有，香港飛歐洲可揀奧斯陸／馬德里／慕尼黑／柏林／華沙，回程澳洲可揀墨爾本／柏斯／悉尼／阿德萊德（當中以柏斯及墨爾本較易搵到），來回淨機票HK$2,780起，舉例香港飛挪威奧斯陸，再由奧斯陸飛澳洲墨爾本連稅計HK$4,164起，再加一張澳洲嘅廉航（例如酷航或捷星）單程返香港連稅約HK$1,400（未包行李費，仲可以免費玩埋新加坡），埋單分分鐘連6千都唔駛，咁就可以一次過玩齊南北地球喇（記得帶晒羽絨同比堅尼）。機票有效期1個月，啱可以上官網或Expedia買（當中以Expedia搵到機會大啲）。

提提您：如果飛澳洲嘅悉尼／阿德萊德及開恩茲，部份航班會由多哈經香港飛落去。如果唔想飛澳洲，可以考慮飛到香港即走人（如果只係Hand Carry就一定得，寄艙行李要向地勤提出香港Off Load行李，如果轉機時間太短如1-3小時，理由要好合理先得），比起齋香港<->歐洲來回平HK$1K左右，不過呢種飛唔可以做歐洲OpenJaw，要平定要Flexible，自己要考慮清楚先好去馬。

卡塔爾航空官網：www.qatarairways.com

Expedia：www.expedia.com.hk

（覺得抵可用Whatsapp同LINE Share俾朋友架）

首報！超平冰火之旅！卡塔爾航空香港飛歐洲，歐洲返澳洲，來回$2,780起，連稅$4,164起，復活節都有！

中東三寶嘅卡塔爾航空推出限時優惠，全線機票75折，最大賣點係連暑假都平：出發日期由1月20日至3月25日、4月3日至4月5日、4月14日至12月10日，其中熱門嘅歐洲航點（經多哈轉機）來回淨機票HK$1,960起，連稅計：伊斯坦堡HK$5,031起、奧斯陸HK$5,110起、馬德里HK$5,127起、斯德哥爾摩HK$5,155起、米蘭HK$5,271起、蘇黎世HK$5,283起、威尼斯HK$5,386起、巴黎HK$5,387起、布魯塞爾HK$5,459起、華沙HK$5,461起、羅馬HK$5,515起、慕尼黑HK$5,520起、巴塞隆那HK$5,545起、哥本哈根HK$5,549起、柏林HK$5,599起、日內瓦HK$5,629起、法蘭克福HK$5,667起、雅典HK$5,888起、曼徹斯特HK$5,914起、倫敦HK$6,149起，以上各價都低過HK$6K，淡季就唔奇，難得係連暑假都有先要撲去搶！同對上嗰次優惠比，每個航點再平咗HK$250左右，今次快啲入手喇！一如以往，可以Open Jaw（請用Multi-City去Search），個別城市組合可以幫您慳成千蚊（例如倫敦入，其他城市走）！Check過系統，供應量足，其中暑假都有唔少平飛，回程日期必須於12月10日前。另外，呢個係全球優惠，就算您想飛南美、美加都有折。機票有效期為1個月，最後出票日期為1月8日。

網址：www.qatarairways.com

（覺得抵可用Whatsapp同LINE Share俾朋友架）

即搶！暑假都有！卡塔爾航空來回歐洲$1,960起，12月10日前出發

中東三寶之一嘅卡塔爾航空翻推明年早餐盤，出發日期由2015年4月5日至6月15日（視乎航點），經多哈轉機來回淨機票HK$2,290起，連稅計：伊斯坦堡HK$5,345起、奧斯陸HK$5,429起、馬德里HK$5,433起、斯德哥爾摩HK$5,475起、米蘭HK$5,578起、蘇黎世HK$5,600起、巴黎HK$5,696起、威尼斯HK$5,712起、布魯塞爾HK$5,795起、慕尼黑HK$5,828起、羅馬HK$5,851起、巴塞隆那HK$5,891起、哥本哈根HK$5,895起、柏林HK$5,920起、日內瓦HK$5,985起、法蘭克福HK$5,977起、雅典HK$6,255起、倫敦HK$6,452起，其他歐洲航點都有。呢口價同上期早餐盤相約，大部份航點都平過HK$6K，雖然比俄航貴一截，但質素有別，睇自己需要吧！一如以往，可以Open Jaw（請用Multi-City去Search），個別城市組合可以幫您慳成千蚊（例如倫敦入，其他城市走，如伊斯坦堡來回連稅HK$5,265起）！Check過系統，呢口價供應量足，機票有效期為1個月，最後出票日期為12月29日。

網址：www.qatarairways.com

（覺得抵可用Whatsapp同LINE Share俾朋友架）

卡塔爾航空早盤Encore，飛歐洲各地$2,290起，12月29日截飛