X
終於等到長榮推出4-6月（30/6）台北平機票啦！不過個價……同以前淡季一樣，盛惠HK$1,100起（未連稅），唔似華航／港航咁劈到HK$1,000以下。鬼咩！依家長榮同港航係合作關係嘛！大家做Code-Sharing，咁又點會學似華航咁大劈特劈咩！不過講真HK$1,100坐長榮好抵啦！起碼「準時」呢一樣嘢已經殺晒。更爆嘅係，復活節期間個價都只係HK$1,430，但代價係……回程要搭早上八點機呀陰公！想夜少少先返？得！俾多HK$800啦！抵唔抵俾，睇你荷包鳥。
（記得按下面「讚好」Share俾Facebook朋友）
呢期台北線焦點落晒港航身上（鬼咩！六舊幾水，絕對話題之作），長榮都有一段日子冇出筍盤，佢哋剛剛推出多人同行台北線優惠，如果2人同遊就每人HK$1,130（未連稅，下同），3人同遊就HK$1,110．4人同遊就HK$1,090，即係HK$20減一減，呢張機票有效期為2-7日，想要張0-14日？得！每張加HK$60就掂！不過呢啲拍拖飛要提早預購，官網寫晒，詳情睇按下面網址瀏覽。
（記得按下面「讚好」Share俾Facebook朋友）
尋晚報咗隻華航超平HK$888筍盤，如果你想16/2後先出發，又想試下Hello Kitty機，咁唯有搭長榮啦！由1/2至31/3出發台北嘅機，票價都只係HK$1,100（未連稅），雖然貴過港航同長榮，但勝在有個四正飛機餐食，況且去程可以揀BR858個班Hello Kitty機，不過回程BR857 Hello Kitty機就唔可以揀，要就另加HK$110起（確實數目不定，視乎航班供應）。加一百幾十就OK，若然加得太多，搭去程Hello Kitty就算啦！寧願慳番啲錢去桃園機場買長榮Hello Kitty精品好過。
留意位：
1. 最後出票日期：4/2
2. 機票有效期：2 – 7日
（記得按下面「讚好」Share俾Facebook朋友）
尋日有旅行社喺「又飛啦！」Facebook Post咗長榮超Last Minute台北筍盤，睇完個價，真係嚇咗一跳：10日期至21日期嘅，來回只需HK$1,450，Zuji都有，佢賣貴啲HK$1,490啦！官網反而唔覺有呢個Offer，想自己搞定有人Serve你就自己揀。不過要留意，一定要留台灣至少10日，其實好少港人會留咁耐，除非你玩還島遊或者真係想慢慢歎啦！點都好，新春機票之前炒到貴一貴，繼布吉島「爆煲」後又有類似「止蝕盤」，睇嚟今年航空業真係油麻地，得益嘅當然係我哋一眾客仔啦！（想搭Hello Kitty機，記住揀去程BR858／回程：BR857呀！呢啲航班極度搶手，要快訂）
留意位：
1. 22/1（年廿九）去程指定坐BR870 15:30、BR872 19:25、BR858 21:05
2. 23/1（年初一）去程任搭所有航班
3. 24/1 – 25/1（年初二及三）去程指定坐BR868 13:45、BR870 15:30、BR856 17:05、BR872 19:25、BR858 21:05（即係差唔多班班都得囉！）
（記得按下面「讚好」Share俾Facebook朋友）
尋日講完長榮推出驚人HK$888台北優惠後，佢再推出另一款幾抵買嘅機票，今次輪到長途線，飛美加主要城市，2個月期機票，單人飛最平HK$4,200（西岸）（未連稅，下同）及HK$5,700（東岸）起，最平4人同遊就減至HK$3,800（西岸）及HK$5,300（東岸）。西岸城市包括美國洛杉磯、三藩市、西雅圖以及加拿大溫哥華，東岸城市就係美國紐約及加拿大多倫多。呢批平機票出發日期可以去到30/6，認真夠長！如果你可以6/2 – 31/3期間去紐約，佢另有一款更平選擇：1個月有效期HK$4,200！要留意，長榮紐約回程須於美國多停一站加油。雖然香港直航西岸有時都有呢口價，不過佢俾你免費停留台北一次，兩城旅遊都唔錯吖！而東岸價直頭平香港直航一大截！
（記得按下面「讚好」Share俾Facebook朋友）
今年新春機票極度昂貴，如果可以張就啲，都仲有Last Minute筍盤！就好似尋日長榮突然推出一隻筍盤，因應新春期間長榮會加開特定包機，呢啲機…Umm…係零晨機嚟，所以咪大平賣囉！佢依家推出兩種超特價組合：第一組係去程可選「任何航班」（即日起到23/1），回程就要搭指定加班機：大年初一（23/1）零晨BR1861（03:30/05:15）或者1857（04:00/05:45），呢一組只售HK$888（未連稅，下同），即係話你喺台北Countdown完要立即出機場返港，應該適合一啲想新年前平玩台灣又需要趕返香港過年人士；第二組係去程搭指定加班機：大年初五（27/1）零晨BR1876（02:00/03:35）或者1866（00:55/02:30），回程就可揀7日至1個月內「任何航班」（即係最少要玩7日），前者老年咁夜，就HK$888啦！後者早少少飛，就賣HK$999！長長久久好意頭喎！個人認為第二組抵玩啲：表面上冇得連假去旅行，但香港有唔少打工仔係年十幾先開工大吉（特別係做廠個班，或生意上同大陸有聯繫個批，未有咁早放完），如果唔介意咁夜出發，呢個價真係好抵玩！始終7日至1個月有效期嘅機票好少咁平！
（記得按下面「讚好」Share俾Facebook朋友）
上星期先提過，1月頭搭長榮Hello Kitty新客機只係HK$938來回，今次就講多少少呢架新客機有乜特別。繼之前嘅魔法機、蘋果機，今次將一架A330-300改裝成以環遊世界為主題嘅Hello Kitty環球機，機身繪上世界各地名勝，當然有主角Hello Kitty啦！搭Hello Kitty機有乜咁特別？嗱！由機場Check-in開始，拎住印有Hello Kitty嘅登機證，行李牌亦印有Hello Kitty圖案（咁記得要寄艙喇）。上到飛機仲正，大至空姐外套，細至頭墊紙、餐巾紙、紙杯、餐具、奶瓶、啤牌、飛機餐、廁所洗手液等等，都會見到Hello Kitty，總之呢個半鐘嘅機程一定影相影死你～～～長榮已宣佈全新Hello Kitty環球機將於23/12起來往香港同台北，每日對開一班，去程BR858 21:05/22:40，回程BR857 18:10/19:50。咦？咁星期五放工去星期日返，唔駛請假，咁咪有機會來回都見到Hello Kitty？諗諗佢吖！仲有呀！由23/12到31/12，凡乘搭BR858航班嘅離港旅客，喺香港機場辦理登機手續時可獲贈Hello Kitty環球機2012年曆A4文件套。數量有限，送完即止。
記得按下面「讚好」Share俾Facebook朋友）
上星期講過華航推出12月台北高雄Last Call機票只需HK$999，有效期已經過晒啦！想Encore？有！長榮推出7/1 – 14/1嘅超平機票（今次唔駛學上次咁趕啦），來回只需HK$938（未連稅）！最遲可於22/1回程，最正係航班任選，包括可以揀Hello Kitty航班呀！快啲Call Sun Travel新哥出飛喇！
留意位：
1. Booking Class “U” ，或加每段$120改”V”
2. 不能改期
3. 訂位後兩日內出票
查詢電話：2388 4003
（記得按下面「讚好」Share俾Facebook朋友）
X