夜遊杜拜？如何過？搵「9耷」（9W = 捷特航空）哥幫手！今次佢有隻經印度新德里／孟買轉機平盤。來回HK$1,942起，連稅計：杜拜HK$2,631起、斯里蘭卡／可倫坡HK$2,331起、阿布扎比HK$2,631起，出發日期由依家至2015年10月31日，去中東見油王易過借火。至於孟買直航，來回連稅就HK$1,810起，都係賣得平（不過單身女子去印度，就真係……），Check過系統，平飛數量唔多，主要集中5月淡季，最後出票日期3月31日，啱就上ZUJI買啦。

想知印度捷特航空係乜東東，可以睇番我哋製作嘅試搭報告（詳情請睇：http://flyagain.la/7d83），唔差架！

網址：www.zuji.com.hk

（覺得抵可用Whatsapp同LINE Share俾朋友架）

激平！捷特航空飛孟買$1,102起，杜拜、阿布扎比$1,942起，10月31日前出發

月中時我哋介紹過捷特航空飛英法嘅平盤（http://flyagain.la/18351），嚟到倒數階段，捷特連推多個航點做個年底大清貨，出發日期由依家至2015年3月31日，啱就要睇睇喇，來回連稅計：加德滿都HK$3,430起、杜拜HK$4,491起、阿布扎比HK$4,621起、布魯塞爾HK$5,124起。仲有好多中東盤，有需要亦可以搵搵心頭好。Check過系統，貨量集中喺明年2月尾至3月中，其他月份同旺季供應相對較少，最後出票日期12月31日（即係今日！），啱就拿拿臨上ZUJI買啦。

想知印度捷特航空係乜東東，可以睇番我哋製作嘅試搭報告（詳情請睇：http://flyagain.la/7d83），唔差架！

網址：www.zuji.com.hk

（覺得抵請記得按Like同Share俾朋友）

捷特航空清貨盤，來回連稅加德滿都$3,430、杜拜$4,491、阿布扎比$4,621、布魯塞爾$5,124起，今日截飛

斯里蘭卡航空推出年尾限時75折劈！無論經濟艙定商務艙都有減，參與城市達21個，出發日期由2015年2月1日至3月31日，由香港出發飛科倫坡，或經科倫坡轉機飛班加羅爾、德里、馬爾代夫、阿布扎比、杜拜、多哈、倫敦、巴黎、羅馬、莫斯科等都有，其中折咗之後，最值得推介嘅係馬爾代夫HK$1,880起、連稅HK$4,141起；科倫坡HK$2,670起、連稅HK$4,241起；杜拜HK$2,800起、連稅HK$5,437起；羅馬HK$2,850起、連稅HK$6,047起。仲有其他航點都值得大家上去睇睇價錢，至於農曆年期未見有驚喜，另外，曼谷線亦未有參與今次優惠。提提您，機票有效期14日，最後出票日期為12月31日，啱就上官網買啦。

網址：www.srilankan.com

（覺得抵可用Whatsapp同LINE Share俾朋友架）

斯里蘭卡航空年尾限時75折劈！來回馬爾代夫$1,880、科倫坡$2,670、杜拜$2,800、羅馬$2,850，12月31日前截飛

講到飛歐洲嘅平霸航空公司，中東嘅您自然會諗起卡塔爾航空，但其實仲有另一間中東航空公司，服務五星級，但價錢就非常大眾化！佢就係阿提哈德航空（Etihad Airways）嘞！佢係阿聯酋第二間大型航空公司，同阿聯酋航空唔同，佢基地設於阿布扎比。阿提哈德航空一向係冇飛機嚟香港，但隨著佢子公司塞舌爾航空（Air Seychelles）將於24/3起開辦香港<->阿布扎比<->塞舌爾航線後，以後想搭阿提哈德航空，大可以先搭塞舌爾航空然後喺阿布扎比轉機。

依家佢推出春季飛歐洲筍盤：淨機票HK$3,960起，連稅後，香港飛巴黎HK$5,482起、布魯塞爾HK$5,245起、慕尼黑HK$5,790起、都柏林HK$7,376、杜塞爾多夫HK$5,606起（同國航差唔多）、法蘭克福HK$5,782起、日內瓦$5,133起、曼徹斯特HK$6,182起，都係六千以內！連去伊朗首都德克蘭連稅都只係HK$5,729（奇怪係佢宣傳網頁上，價錢遠比以上列出為高，可能未Update卦？）！不過要提一提大家：如果揀香港出發，俾您喺官網買到飛歐洲嘅航點唔會太多，因為如果駁機時間太長，阿提哈德會索性唔俾您買。如果您想去嘅歐洲地方以上都冇提及，咁揀番其他航空公司算啦！航班方面，香港去程阿布札比每逢週一、三、五（EY4121 18:55/23:25），阿布札比返香港每逢周二、四、日（EY4122 21:40/09:40）。飛去塞舌爾呢？依家做緊首航特價：淨機票HK$4,660，連稅HK$5,939，比以往平一大截，呢個價都值得飛去嘆個陽光與海灘嘅，話晒夠冷門嘛！

留意位：

最後出票日期：20/1

出發日期：24/3 – 30/6

機票有效期：3日至2個月

網址：www.etihadairways.com

（記得按下面「讚好」Share俾Facebook朋友）

12:05 13/11 Update：國泰聯絡我哋，話金邊今早再改價錢，由HK$890下調到HK$790（未連稅）

08:30 13/11 Update：第三週國泰港龍fanfares開倉分析：

– 沙巴得指定一個來回日期？仲要係平日！！！！！:(
– 紐約竟然唔係指定日子來回？超正！快訂！
– 曼谷聖誕期間都有，即訂！
– 阿布扎比聖誕節都有，連稅HK$4.4K，都有睇頭
– 金邊今次玩指定日子來回，冇So
– 米蘭玩指定日子來回，但都有9日，唔太走難Feel
– 約翰內斯堡得嗰5日指定日子來回，可以不理

國泰港龍fanfares第三週又嚟啦！記得今早8:00開倉喎！經過兩週，相信大家都掌握到佢哋玩法：全部都係Last Minute機票，短途熱門地點玩指定日子來回，一般地點就俾您喺指定日子內自由揀2-7日來回，長途就總有一個超平地點但超短日子來回。今次佢哋又推出15個城市，包括主打嘅曼谷$990（未連稅，下同）／武漢HK$590／廈門HK$590／沙巴HK$790（港龍極少減價，AirAsia成日都貴，頭號搶飛目標！）／河內HK$790（又嚟？）／南京HK$790／金邊HK$790（翻奄！上星期都頗受歡迎）／吉隆坡HK$990（唔係平太多）／名古屋HK$990／大阪HK$1,490（冇競爭力喎）／阿布扎比HK$1,990／約翰內斯堡HK$1,990／米蘭HK$1,990（呢兩度地方咁鬼平，唔通又係啲4日3夜指定日子來回？）／法蘭克福HK$2,990／紐約HK$2,990（首度登場！極有可能係5日4夜指定來回飛！夾到日子當然Very Good，否則都係算把啦！）。跟據上週經驗，除咗國泰同港龍，其實Zuji甚至各大旅行社都有呢批飛賣，如果今早國泰港龍Server太慢甚至當機，拿拿林轉戰Zuji搶飛啦～記住：先搶可自由揀選來回日子嘅飛先，然後再睇指定日子來回飛啱唔啱心水（如果曼谷或沙巴可以自由揀日子來回，我相信會好似上週首爾咁，1小時內極速沽清），此外每種機票均設有獨立售賣日期，有啲為1日，有啲為6日，要留心啦！

國泰FanFares網址： www.cathaypacific.com

港龍FanFares網址： www.dragonair.com

（記得按下面「讚好」Share俾Facebook朋友）

我哋曾經介紹過搭國泰廣州飛杜拜只需HK$1,860，嫌煩走車勞動想香港出發？呢隻筍盤要留意！經一起飛旅遊網訂飛，搭國泰直航杜拜或者阿布扎比，來回只需HK$3,913起（未連稅），係就貴咗成二千，不過對時間寶貴又怕煩嘅人，都要俾架啦！官網未出，出發日期去到31/3，出票最後日期為29/2，有效期2日至1個月。

網址：hk.yiqifei.com

（記得按下面「讚好」Share俾Facebook朋友）