上年9/11，我哋「又飛啦！」同大家報過馬航推出春季馬來西亞航線優惠，依家馬航又翻焯！今次出發日期為19/1至24/3（1/2至14/2不適用），吉隆坡直航來回HK$1,333（連稅HK$2,079），沙巴直航來回HK$1,533（連稅HK$2,279），經吉隆坡轉飛其他馬來西亞城市都有特價，最平檳城來回HK$890起（連稅HK$2,206，下欄仲貴過機票），機票有效期14日（只限搭馬航航班，國泰Code Sharing唔得）。Check過系統，平飛主要集中喺二月後期至三月，唔想同人農曆新年迫餐飽，呢個價值得考慮（尤其沙巴）！最後出票日期為30/1。

網址：www.mas.com.my

（記得按下面「讚好」Share俾Facebook朋友）

經過尋晚慘被AirAsia玩足成晚後（都冇說好的0分兌換香港/澳門飛吉隆坡機票！），唉算啦！都係今晚00:00乖乖入官網同AirAsia死過！今晚會公開賣一批超遠期貨：出發日期20/8/2013 – 9/2/2014，香港飛吉隆坡／沙巴單程連稅HK$598（來回連稅HK$1,075起），飛布吉單程連稅HK$678（來回連稅HK$1,316起），飛曼谷單程連稅HK$598（來回連稅HK$1,194起），以超遠期貨嚟講，真係一般劈而已，堅有需要請訂，如果係15/16者，唔訂有So，始終有時佢啲Last Minute機票間中都有驚喜價，太早預訂嘅，唔堅平唔好太衝動嘞！

網址：www.airasia.com

（記得按下面「讚好」Share俾Facebook朋友）

今晚00:00 AirAsia會開倉賣一批超遠期貨：出發日期20/8/2013 – 9/2/2014，單睇價錢，本來平平無奇：香港飛吉隆坡／沙巴單程連稅HK$598（來回連稅HK$1,075起），飛布吉單程連稅HK$678（來回連稅HK$1,316起），飛曼谷單程連稅HK$598（來回連稅HK$1,194起），以超遠期貨嚟講，只算一般劈啦！呢批機票今晚00:00會率先俾AirAsia Big卡會員認購（免費登記網址：www.tune2big.com，必須係AirAsia會員先可申請，免費登記AirAsia會員網址：www.airasia.com）。

咁邊度會有$0機票呢？查實今晚00:00 Big卡亦會做Promotion：提供1,000,000張機票俾會員以0分兌換（但仍要俾油附及機場稅），雖然AirAsia冇正式公佈呢批0分機票所包括嘅航點，但佢喺Facebook有提過包括香港同澳門嘅（估計係指吉隆坡出發，泰國出發唔知有冇），故此Big卡會員今晚可能買到返香港同澳門嘅$0機票，咁就算吉隆坡去程連稅HK$598，加埋回程$204（油附連稅），來回吉隆坡就只需HK$802，咁就抵買喇！如果趕唔切申請做Big卡會員，AirAsia公眾網站亦有可能出現$0機票！根據2/1/2013我哋報導過嘅〔大漏洞！AirAsia吉隆坡返澳門單程連稅HK$205！〕，起因正正係Big卡當時做緊0分兌換吉隆坡單程返澳門機票優惠，一陣00:00又睇下AirAsia會唔會歷史出演呢？

查詢網址：www.airasia.com

指定訂購網址：https://loyalty.airasia.com/BIG/aa/Flight.aspx

（記得按下面「讚好」Share俾Facebook朋友）

立即搶！依家AirAsia經已開倉！明年1/6至30/9出發，飛吉隆坡、沙巴、曼谷、布吉單程連稅$469起，來回連稅計，吉隆坡、沙巴HK$878起，曼谷、布吉同樣HK$968起，連稅通通唔駛HK$1,000，超級抵！呢個優惠必須經以下指定Link入AirAsia官網先得，就咁入去www.airasia.com係唔得架！全因呢個優惠針對國內微博Fans：咁當然唔係佢商務總裁陳凱霖Fans都可以買得啦！呢批早餐盤早喺29/10賣過，當時單程連稅飛曼谷賣HK$598，布吉HK$688，吉隆坡沙巴HK$658，檳城HK$568起，即係話今次遲買仲平！但唔好太開心住：未必日日都有架！一陣開倉時候自己發掘下啦（點解今次冇檳城嘅？一陣試下先）！優惠期只有3日，最後出票日期為14/12。

指定網址：https://booking.airasia.com/Search.aspx?culture=zh-HK&promocode=121212ID　（必須經此Link進入AirAsia官網才可見到優惠價，手機版及Chrome版不能，除非喺iPhone安裝Puffin瀏覽器啦～）

（記得按下面「讚好」Share俾Facebook朋友）

漏夜都同大家講呢隻$0機票，雖然唔係香港出發，但都有賣點：馬航屬下嘅飛螢航空（Firefly）剛推出$0機票，出發日期為12/12/2012至12/6/2013，馬來西亞城市出發，無論內陸線抑或國際線（例如檳城／吉隆坡蘇邦飛蘇海）都搵到$0選擇。Check過系統，暫時唔太難搵到$0機票，連4月份復活節都有（例如檳城來回浮羅交怡，31/3去2/4來回；檳城來回泰國蘇梅島，2/4去11/4返，可能馬來西亞冇復活假放卦）！您只要俾番油附連稅就得（前者RM120/HK$312，後者RM394/HK$1,024），再配番張AirAsia香港<->檳城機票就得。呢一刻復活節AirAsia賣香港<->檳城來回機票連稅大約HK$2.5K左右，唔介意等一等，可以先入手呢張飛螢平機票，再等下AirAsia稍後可能開倉時先補飛，不過如果太多人去，就無謂搏，依家一炮過買埋啦！話晒復活節一遊兩地連稅都只係HK$3K左右，仍屬抵買範圍呢！提提您：雖然飛螢係廉航，但亦會免費提供每人20kg行李寄艙服務。

網址：www.fireflyz.com.my

（記得按下面「讚好」Share俾Facebook朋友）

00:43 26/12 Update：〔AirAsia開倉實報〕吉隆坡平飛一如所料，集中喺新開航班上（去程AK1653 13:20/17:10，回程早機AK1652 08:55/12:45），供應量睇嚟唔少！曼谷線3月份大把平飛，來回連稅HK$1,226唔難搵喎～澳洲平飛12月中後就冇啦，想聖誕節去就唔駛搵喇～

新鮮滾熱辣！漏夜都同大家講AirAsia今晚零晨（26/11 00:00）劈價詳情：首先講AirAsia，出發日期一如所料：3/12/2012 – 31/3/2013，飛吉隆坡單程連稅HK$328起，來回連稅HK$537起（嘩！仲平過上星期做嘅來回HK$698？呢個價係咪要捱早機返呀？），曼谷單程連稅HK$708起，來回連稅HK$1,409起（一般平，唔算太特別，有需要者可以補飛），咁當然AirAsia飛馬來西亞／泰國／印尼短途內陸航線都有幾十蚊機票優惠啦～不過根據經驗，AirAsia嘅Last Minute平機票一向數量唔多，唔好抱太大期望先；反而較大期望嘅係AirAsia X！因為佢亦會同時首度開賣明年下半年超遠期貨：出發日期為1/6/2013 – 31/12/2013，香港經吉隆坡飛澳洲（柏斯／墨爾本／黃金海岸）去程連稅HK$1,665起，回程連稅AU$279起（HK$2,232起），來回連稅HK$3,897起，都算抵玩，有興趣者今晚00:00捕實AirAsia官網啦（澳門出發當然有平，曼谷來回連稅MOP1,000起，吉隆坡MOP1,045起）。提提您，搶飛想快人一步，可以去Chrome瀏覽器去呢個AirAsia網站：http://chrome.airasia.com，會較少出現Waiting Room。

AirAsia劈價詳情：http://www.airasia.com/hk/en/promotion/rr3351203.page

AirAsia X劈價詳情：http://www.airasia.com/hk/en/promotion/rx2770612.page

（記得按下面「讚好」Share俾Facebook朋友）

你冇睇錯！係來回！仲要係來回連稅！AirAsia為慶祝加開航班（去程新增AK1653 13:20/17:10，回程新增早機AK1652 08:55/12:45），特別將21/12/2012至30/4/2013吉隆坡航班大劈特劈：去程連稅HK$389起，回程連稅HK$269起，來回連稅就HK$658起！Check過系統，呢批特價飛主要集中喺加班嗰兩班，但其實其他班次都有呢批貨，只係選擇冇加班機咁多，但搵個Weekend來回HK$658，呢一刻2月打後仲有選擇！平嘢好快掃光，行動要快！

網址：www.airasia.com

（記得按下面「讚好」Share俾Facebook朋友）

AirAsia終於公佈今晚開倉詳情！原來係劈遠期早餐盤，出發日期為1/5/2013 – 30/9/2013（呢批早餐盤曾經喺20/9賣過，不過當時4月出發都有），29/10週一零晨00:00開倉，地點繁多，就以香港出發為例，單程連稅計飛曼谷HK$598起，布吉HK$688起（飛曼谷同上次一樣價，飛布吉貴HK$30），馬來西亞飛檳城單程連稅HK$568起，吉隆坡同沙巴一樣HK$658起（同上次一樣），睇下今次暑假飛多唔多（上次就唔覺多）。其他地區如澳門及東南亞各地出發均有劈價。今晚00:00，搶埋飛先好瞓啦！

網址：www.airasia.com

（記得按下面「讚好」Share俾Facebook朋友）