3/3 4:50pm Updated：賣晒啦！

嘩！AirAsia大劈呀！佢旗下長途航線AirAsia X低調推出一個”UnXpected Surprise Savings”優惠：由吉隆坡飛澳洲三城，無論坐經濟或商務，價錢一樣！咁梗係坐商務啦！話晒：1. 有Flat Bed瞓；2. 包25kg行李寄艙；3. 包餐飲；4. 優先上落機！來回連稅計，吉隆坡飛珀斯HK$1,464.78，阿德萊德HK$1,492.19，悉尼HK$1,793.61，配合香港<->吉隆坡AirAsia平機票，香港來回澳洲HK$3,000左右，係連稅呀！仲要長途嗰程坐商務呢！出發日期由依家到31/3；1/5 – 31/5（復活節冇，5.1大假仲有），最後出票日期為16/3，您唔係唔搶吓嘩？

網址：http://booking.airasia.com/search.aspx?promocode=030314ID（必須經呢條網址入AirAsia官網先有優惠）

（記得按下面「讚好」Share俾Facebook朋友）

AirAsia短途線成日有平機票，咁長途線呢？Check過系統，原來AirAsia香港飛澳洲都非常之平，尤其係明年2月農曆新年後，無論飛珀斯／墨爾本／悉尼／黃金海岸／阿德萊德來回連稅統統HK$3K左右（全部須於吉隆坡轉AirAsia X）！係來。回。連。稅呀（不過唔包行李寄艙及飛機餐）！例如珀斯HK$3,222起（來回連稅，下同），墨爾本HK$3,592起，悉尼HK$3,723起，黃金海岸HK$3,449起，阿德萊德約HK$3,107起（呢條航線AirAsia需要您拆開香港<->吉隆坡及吉隆坡<->阿德萊德兩個來回買，前者來回連稅約HK$1K，後者來回連稅HK2,107起），呢口價搭傳統航空公司，連淨機票價都唔夠俾。由於AirAsia係廉航，既不受機票有效期限制，又可以齋買單程，絕對係一眾Working Holiday／移民客／留學生恩物！

網址：www.airasia.com

（覺得抵請記得按Like同Share俾朋友）

我冇寫錯！您冇睇錯！HK$2,388連稅飛馬爾代夫！自從港航同國泰相繼宣佈開辦香港<->馬爾代夫航線後，去Dream Island嘅機票不斷創新低，今次又有破低價！AirAsia旗下飛長途線嘅AirAsia X，將於28/9起開辦吉隆坡->馬爾代夫->可倫坡（斯里蘭卡）->吉隆坡循環線，逢週二／四／五／日執飛一班，10月出發有優惠，吉隆坡飛馬爾代夫來回連稅低至HK$1,548起，至於香港<->吉隆坡，AirAsia 10月份一樣有Promo：來回連稅低至HK$876起，兩條數加埋即係HK$2,388起，真係平到無嘢講！提提您：買吉隆坡<->馬爾代夫（馬里）來回機票時，建議拆開兩個單程買，去程目的地揀可倫坡，價錢會比揀馬爾代夫平一半約HK$500，但飛可倫坡之前的確先停馬爾代夫嘛！若然冇寄艙行李，到步後落機就得，不過如果有寄艙行李，千祈唔好制！

網址：www.airasia.com

（覺得抵請記得按Like同Share俾朋友）

AirAsia今日正式宣佈推出全新航線：旗下專走長途線嘅AirAsia X，會於30/10起開辦吉隆坡<->澳洲阿德萊德直航，為慶祝首航，今晚00:00起開倉推售超劈機票：吉隆坡單程飛阿德萊德連稅MYR199起（約HK$478），阿德萊德單程飛吉隆坡連稅AU$99（約HK$710），加埋來回連稅約HK$1,188起，自己再加埋AirAsia香港<->吉隆坡機票，飛南澳洲來回連稅分分鐘港幣二千頭搞掂！出發日期30/10/2013 – 5/8/2014，不過估計唔會日日都有咁平，想知點樣先併到咁平選擇，大家不妨今晚00:00上AirAsia官網望望。呢隻優惠特別適合會飛去澳洲Working Holiday嘅後生仔，拎千零蚊港紙先買單程飛去南澳洲，第時返港先再買單程平機票，因為買幾個月甚至一年有效期嘅來回機票係非常昂貴，齋買單程，彈性大增。當然對於一般遊客或移民客，呢個價絕對吸引，比起直航國泰，票價分分鐘只係1/3咋！

溫馨提示：AirAsia X以上票價並不包括行李寄艙及飛機餐

網址：www.airasia.com

（覺得抵請記得按Like同Share俾朋友）

00:43 26/12 Update：〔AirAsia開倉實報〕吉隆坡平飛一如所料，集中喺新開航班上（去程AK1653 13:20/17:10，回程早機AK1652 08:55/12:45），供應量睇嚟唔少！曼谷線3月份大把平飛，來回連稅HK$1,226唔難搵喎～澳洲平飛12月中後就冇啦，想聖誕節去就唔駛搵喇～

新鮮滾熱辣！漏夜都同大家講AirAsia今晚零晨（26/11 00:00）劈價詳情：首先講AirAsia，出發日期一如所料：3/12/2012 – 31/3/2013，飛吉隆坡單程連稅HK$328起，來回連稅HK$537起（嘩！仲平過上星期做嘅來回HK$698？呢個價係咪要捱早機返呀？），曼谷單程連稅HK$708起，來回連稅HK$1,409起（一般平，唔算太特別，有需要者可以補飛），咁當然AirAsia飛馬來西亞／泰國／印尼短途內陸航線都有幾十蚊機票優惠啦～不過根據經驗，AirAsia嘅Last Minute平機票一向數量唔多，唔好抱太大期望先；反而較大期望嘅係AirAsia X！因為佢亦會同時首度開賣明年下半年超遠期貨：出發日期為1/6/2013 – 31/12/2013，香港經吉隆坡飛澳洲（柏斯／墨爾本／黃金海岸）去程連稅HK$1,665起，回程連稅AU$279起（HK$2,232起），來回連稅HK$3,897起，都算抵玩，有興趣者今晚00:00捕實AirAsia官網啦（澳門出發當然有平，曼谷來回連稅MOP1,000起，吉隆坡MOP1,045起）。提提您，搶飛想快人一步，可以去Chrome瀏覽器去呢個AirAsia網站：http://chrome.airasia.com，會較少出現Waiting Room。

AirAsia劈價詳情：http://www.airasia.com/hk/en/promotion/rr3351203.page

AirAsia X劈價詳情：http://www.airasia.com/hk/en/promotion/rx2770612.page

（記得按下面「讚好」Share俾Facebook朋友）

急報！早幾日，我哋「又飛啦！」已經喺Facebook Page度報導AirAsia X已於3/7低調開通吉隆坡<->尼泊爾首都加德滿都航線，暫時以包機形式運作，須於指定馬來西亞同尼泊爾旅行社買飛。不過AirAsia已正式宣佈：於今晚00:00（10/7）開始，會正式開放官網俾大家買飛，出發日期由4/9起，單程連稅賣RM399起（約HK$1,040起）。香港飛尼泊爾加德滿都，暫時只有港龍有直航服務，不過非常之貴，永冇劈價盤；轉機最平印度Jet Airways連稅都要HK$5-6K，依家有AirAsia X幫手，以後大可經吉隆坡飛去呢個幫你洗滌心靈嘅國度。配埋香港<->吉隆坡平機票，連稅分分鐘三千頭搞掂！至於航班方面，逢星期二及四各對開一班，吉隆坡出發D7 192（11:45/14:00），尼泊爾回程D7 193（15:30/22:25），可惜來回都唔可以駁即日機返港：咁順道去埋吉隆坡玩先返香港囉！

網址：www.airasia.com

（記得按下面「讚好」Share俾Facebook朋友）

AirAsia終於一次過公佈明年春天國際航線嘅價錢，今晚凌晨（16/5）00:00開倉。不過單睇香港出發嘅主要航線，似乎唔係太抵喎（以超早餐盤而言）！除非大時大節都仲有呢啲價啦！香港飛吉隆坡/檳城/沙巴單程連稅HK$498起（來回連稅HK$876起），沙巴都算抵。飛曼谷單程連稅HK$498起（來回連稅HK$1,025起），曼谷大把平機票啦！飛布吉單程連稅HK$538起（來回連稅HK$1,065起），平時早兩三個月訂淡季都只係貴四/五舊，唔駛咁早決定喎！飛墨爾本/黃金海岸/珀斯（經吉隆坡轉AirAsia X） 單程連稅HK$1,422起（來回連稅HK$3,452起），同東航差唔幾，咁我寧願搭Full Carrier。不過澳門出發就堅平，飛曼谷/清邁單程連稅澳門幣288起（來回連稅澳門幣669起），想去清邁就抵啦！吉隆坡單程連稅澳門幣438起（來回連稅澳門幣827起），而飛墨爾本/珀斯（經吉隆坡轉AirAsia X）單程連稅澳門幣1,389起（來回連稅澳門幣3,481起），好過去香港轉機，都諗得過。不過其他東南亞跨國機票就非常有睇頭，詳情可以去AirAsia望一望。

留意位：

1. 訂購日期：16/5 – 20/5

2. 出發日期：4/1/2013 – 22/5/2013

網址：http://www.airasia.com/my/en/promotion/rr1280105b.page（所有航線）
http://www.airasia.com/hk/zh/promotion/rr1280105.page（只限香港出發）

（記得按下面「讚好」Share俾Facebook朋友）