請即Like 又飛啦！Facebook Page
Yeah！Good News！擁有全球首架波音787 Dreamliner 航機嘅ANA，喺網上宣佈將商業首航獻俾香港！預計10月左右以包機形式由東京成田機場來港，呢個唔單止係航空迷大事，實情係全球焦點！香港今次真係要多謝ANA。想搭呢班機去東京？到時請留意旅行社或ANA藍天假期公佈詳情，因為只會跟團飛出，未必有網上訂飛服務。
新一代787標榜寧靜又慳油，以大量較輕嘅複合材料建造，加上安裝效能更高嘅發電機，令總體燃料節省高達2成，有助飛得更遠、更慳錢。至於大眾關心嘅經濟客位，由於採用固板坐位（即係椅背不可向後側，只可向前滑低），令坐位距離由以往31吋增加至34吋，配合10.4吋Panasonic eX2 IFE 個人視聽娛樂系統，將飛行樂趣大大提升。
不過，呢種坐位其實Out緊喎！事關3年前國泰曾經為旗下長途機改裝過，諗住椅背傾斜唔到可以慳番啲位開多一、兩行賣飛，結果顧客無不坐到腰酸背痛，怨聲載道（包括我，曾經寫過email向國泰投訴）。到近期先宣佈陸續改裝番旗下777-300ER嘅經濟客位，重新俾椅背向後傾斜。ANA依家先嚟用，因住俾班架仔投訴到暈呀！
點都好，再一次感謝ANA對香港嘅寵愛。我都希望買到飛，等我密切留意開賣消息，第一時間係呢度報導！
先睇下客機內部設計片段。廁所有窗口，光光猛猛，好感動呢！睇片啦！
（記得按下面「讚好」Share俾Facebook朋友）
[youtube http://www.youtube.com/watch?v=G_mN1waur6A]
AXA安盛「卓越」優遊樂旅遊保，手提電話都保！立即報價+投保 「又飛啦捕票器」App，一有新Post即響機！iOS下載；Android下載 Booking.com訂房：泰國 | 日本 | 台灣 | 韓國 | 其他 AGODA訂房：泰國 | 日本 | 台灣 | 韓國 | 其他 ＊由於優惠產品供應有限，最終格價或因反應熱烈而有所調整，敬請留意。
留言