香港飛新西蘭，極難有平嘢（就算冬天，來回連稅一樣近萬元），但肯由廣州出發就有平嘢。中國南方航空有一隻奧克蘭筍盤，低調到冇人知：出發日期為30/3 – 30/6，來回淨機票HK$3,209起，連稅HK$5,501，呢口價連俾國泰淨機票價都唔得！仲可以坐全新波音787夢幻客機添！計埋來回廣州車費約HK$600，都比香港出發有So。官網冇得賣，上攜程（Ctrip）啦！Check過系統，去程要揀週日／三／五，回程要揀週一／四／六先有呢口筍價，復活節附近日子出發都有，想平飛就咪等！機票有效期1個月，最後出票日期為06/02。

網址：english.ctrip.com

（覺得抵請記得按Like同Share俾朋友）

又係時候為大家介紹本週（20/1 – 26/1）TopCashBack.com內各大旅遊網站回贈比率，啱用就經TopCashBack.com去卜酒店／機票啦！本週焦點當然係卡塔爾航空，因為佢做緊環球劈（今日仲宣佈延期一日即23/1先截飛，詳情請睇：http://flyagain.la/?p=11992），可配合TCB提供嘅2%現金回贈，例如HK$5,000機票可以回贈約HK$100落TCB戶口度，已經決定訂卡塔爾航空嘅fans，記得順手經TCB入卡航官網卜飛喇！記住：拎回贈係0成本架！

想知TopCashBack.com回贈網究竟係乜東東，教學請按此：http://flyagain.la/?p=5933，免費申請TopCashBack.com戶口請按此：http://bit.ly/12tfxda。每次訂酒店訂機票，記得養成順手拎回贈習慣，積少成多又飛啦！

– Accorhotels（包括ibis，Mecure，Grand Mecure，Pullman，Novotel，MGallery，All Season，Formule 1等等）：4%
– Agoda：6%
– AirFrance：1.2%
– AsiaRooms.com：5%
– Best Western：5%（包括住房及購買禮券）
– Booking.com：4%
– British Airways：酒店 + 租車5%；酒店或租車5%；機票 + 租車3%；機票 + 酒店3%；長途機票1.25%；短途機票0.5%
– CheapTickets.com：預先付款酒店（Pre-paid）7.5%（如使用優惠Code，2%回贈）；現場先付酒店US$5.5，機票US$4.5，租車US$4
– Etihad Airways：2%
– Expedia：訂Expedia特別價格（Expedia Special Rate）6%，其他酒店2%；機票US$2.25，租車2%，遊輪假期US$25
– HostelBookers.com：3%
– HotelClub.com：14%
– Hotels.com：7%
– KLM Royal Dutch Airlines：2%
– LateRooms.com：5%
– LowCostHolidays：機票US$2.5；酒店或套票4%（用折扣Code：TCB10OFF，訂房可減10%，1月內有效）
– Marriott International：3%
– Orbitz：預先付款酒店（Pre-paid）7.5%（如使用優惠Code，2%），現場先付酒店5%（如使用優惠Code，2%），機票US$3.5，租車US$4，遊輪假期3%
– Qatar Airways：2% <–本週推介
– Radisson Hotels：5%
– Rail Europe：3%
– Rakuten Travel（樂天國際版）：5%
– Swiss International Air Lines：短途US$6；長途US$9；商務客位US$12
– Venere：7%
– Virgin Atlantic Airways：3%
– Wyndham Hotels：5%

如使用上有問題，歡迎留言討論。

（覺得抵請記得按Like同Share俾朋友）

尋晚好多Fans都話出門會買保險，咁究竟點揀先好？小弟認為需要考慮5樣嘢：1. 保障範圍（保障項目及保額係咪滿足您個人需要）；2. 保險公司嘅緊急支援服務係咪專業（唔講唔知，香港大部份嘅旅遊保險都係由外判公司提供支援服務）；3. 購買及申請賠償之方便程度；4. 有冇墊底費（即係自己要負責幾多錢）；5. 自己一年外遊次數（如果多就買全年旅遊保，保金拉勻應該抵啲）。

如果您未買，可以考慮AIG旅遊智易保，佢嘅計劃勝在有彈性，3款單次計劃任揀（包括基本／優悠／超卓），可以根據自己嘅需要同Budget去揀，可以網上申請，confirm哂機票酒店就應該要買架喇，而且所有項目都冇墊底費。最重要係佢哋自設緊急支援團隊（據聞有超過25年經驗，今次喺巴黎被打劫，打去佢地支援熱線即該有人教我點做）。依家網上買最平由HK$38起，仲有機會贏取每個星期抽出1部嘅Samsung Galaxy Tab3以及Canon EOS 700D單反相機。呢幾日買咗平機票嘅您，記得買埋保險先出發呀～

網址：www.travelguard.com.hk

（覺得抵請記得按Like同Share俾朋友）

04/01 6am：漏洞已封！下次再會！

中美州好多古城遺跡，想平飛？呢個漏洞要留意喇（雖然唔係香港出發）：西班牙國家航空（Iberia，又稱伊比利亞航空）官網出現漏洞價錢：德國四個城市（柏林／杜塞爾多夫／法蘭克福／慕尼黑）經西班牙馬德里往返中美洲三個城市（危地馬拉城，巴拿馬城，聖薩爾瓦多）來回淨機票只係10歐元（約HK$106），連稅241.31歐元起（約HK$2,558），出發日期為31/5之前，仲有里數儲（呢隻機票係P Class，可入落國泰Asiamiles賺取50%里數），可以不同城市往返（Open Jaw）。死因係淨機票標錯價（正常賣HK$8K以上），飛到老遠都係二千幾蚊（一程都要16個鐘）？明顯係漏洞啦！

香港飛德國有大把平選擇，最平國航來回連稅約HK$5K，中東三寶（阿聯酋／卡塔爾／阿提哈德）亦只係HK$6K左右，加埋八九千玩埋歐洲 + 中美州，的確吸引！機票有效期3個月（長到咁！），不能退款，不能中停。

訂飛前務必留意：不論持有特區護照或BNO，去呢三個城市都要簽證，當中危地馬拉同薩爾瓦多喺香港冇辦事處，須要經美國當地大使館申請，手續麻煩！據聞揸BNO可能因為極似英國護照而可矇混過關，但風險自負喇！

漏洞機票，老規舉：千祈唔好打電話／email問航空公司，以免打草驚蛇！漏洞嘅嘢，手快有手慢冇！

網址：www.iberia.com

（覺得抵請記得按Like同Share俾朋友）

越南航空每月一劈又開鑼啦！今日起至27/12開倉。今次佢稍為加價，飛河內及胡志明市機票比上次貴HK$160：來回淨機票HK$990起，連稅計，河內HK$1,733起，胡志明市HK$1,764起，係咪好筍？淡季一般價而已。飛河內？港航平過佢，飛胡志明市？國泰近排成日fanfares！當然如果您太多人一齊去，咁就唔好搏，越航照殺可也。機票有效期14日。Check過系統，因為翻劈關係，1至2月冇乜貨賣，3月就唔難搵。

溫馨提示：持BNO及特區護照進入越南均需簽證，單次入境費用為HK$500，可於香港越南領事館申請。

網址：www.vietnamairlines.com

（覺得抵請記得按Like同Share俾朋友）

1月農曆新年前，傳統旅遊超淡季，平機票又再出現！今次主角係港航，今晚00:00起開倉派Last Minute機票大米，出發日期為03/01 – 20/01（成都就31/12 – 20/01），重點係台北線，扣減紫荊會HK$50優惠（免費申請網址：http://bit.ly/XiCJvm），來回淨機票HK$490，連稅HK$1,148！呢口價接近HK$1,000終極底線，最重要係來回均冇航班限制睇供應，加上港航唔係廉航，呢口價包埋行李寄艙同飛機餐架！冇奶油唔去玩過Weekend卦？另一強推係峇里島，扣減HK$50紫荊會優惠後，來回淨機票HK$2,290起，連稅HK$2,868起，無計啦！俾對手廉航虎航步步進迫，唔減唔得掂。其他大陸航點都有特價（包括福州HK$590起，重慶HK$690起，成都HK$790起），Like就自行入手，最後出票日期為20/12/2013。

網址：www.hongkongairlines.com

（覺得抵請記得按Like同Share俾朋友）

消委會尋日（16/12/2013）公佈今年首10個月收到336宗網購機票投訴，較去年同期101宗大增超過2倍，仲列出以下投訴案例，其實只要留意我哋以下Tips，買機票一定No Problem啦！^^

Case 1：巿民馬先生經中介網站購買到海口的機票，出發日抵機場時，獲航空公司職員告知航班已於兩個多星期前取消，由於辦公時間已過，馬先生無法聯絡購票網站，惟有更改至翌日出發的班機，損失了首晚酒店及來回機場交通費。

「又飛啦！」Tips：建議乘客喺出發前一至兩日，自己主動上航空公司網站或致電航空公司查詢航班有冇變動，唔好指意中介人主動搵您（雖然佢的確有責任）。此外出門前必須買旅遊保險，航班延誤超過6-8小時保險公司係有得賠。

Case 2：蔣先生同樣使用中介網站，購買由上海往返巴黎的特價機票，成功以信用卡付款後，收到網站發出的確認機票電郵，卻一直未收到電子機票；幾經查詢才獲知當天航空公司標錯價，只會確認已經付款的交易，但由於該中介網站未有即時向航空公司付款，令事主的定單被取消。

「又飛啦！」Tips：呢單嘢明顯講緊我哋23/06/2013首報嘅 “大漏洞！阿提哈德航空飛歐洲，上海出發來回淨機票$379，連稅$2,899起” 事件（詳情請睇：http://flyagain.la/?p=8318）。請大家千萬牢記：買漏洞機票，最好直接去航空公司官網買，因為佢可以即時出票（係有埋機票編號嘅電子機票，唔係一個有訂單編號嘅電郵），中介網站往往不是即時出票，但漏洞嘅嘢隨時byebye，唔想白白錯過咁難得嘅漏洞價，分秒必爭，下次您識點做啦！^^

Case 3：施先生在廉航官方網站買5張前往日本、可免費更改日期的機票，但當他透過電話更改出發日期時卻被要求付逾6千元差價，經消委會介入後才獲退款。

「又飛啦！」Tips：相信絕大部份旅客都唔識嘅機票知識，有必要學習：免費更改機票只代表唔駛俾手續費，但唔代表唔需要補差價。以傳統航空公司為例，如果您持有嘅機票子艙位（唔係指經濟位或商務位，係指每張機票所屬之Class Code，例如Q/Z/X/Y….，以顯示條款及售價之不同，一般喺電子機票中搵到）喺另一個日子冇位，一係再換日期，一係要改子艙位，當中好大機會要補差價。

至於廉航，仲簡單，只需直接睇兩個出發日期有冇差價，多就要補，少就唔駛，以防止乘客走漏洞用平價買旺季票。

希望以上Tips幫到大家，覺得有用就Share俾朋友吧！q^.^p

新聞來源：http://hk.apple.nextmedia.com/news/art/20131217/18554280

Jetstar最近聯同香港本土著名畫家小克，推出三條搞笑動畫（包括［貪新篇］［大飲大食篇］以及［運竹篇］），由至攪鬼嘅聾貓教您認識廉航係乜東東。Jetstar會喺Jetstar Hong Kong Facebook專頁（http://www.facebook.com/JetstarHK）一連9日同fans玩遊戲，搭開廉航嘅fans一定識答，未搭過／少搭嘅，不妨都花小小時間睇下以下三條片，認識下廉航同傳統航空公司有乜分別，答啱問題隨時有機會攞走 HK$500 Jetstar旅遊大禮券！

（覺得正請記得按Like同Share俾朋友）