又到週五晚，又係時候介紹港航今個週末有乜筍嘢喇！今次有三樣好嘢：第一：港航話今日加推咗一批北京HK$610同埋台北HK$510（未連稅）機票，Check過系統，北京HK$610主要集中喺九月後，台北HK$510主要集中喺六月頭同尾（回雞假就冇，除非您肯26/6去30/6返），暑假就冇，九月打後大把。記得用埋紫荊會會員減HK$50優惠（紫荊會免費申請網址：http://bit.ly/XiCJvm），減完後，北京HK$560，台北HK$460！超平啦！第二：逢週末都有嘅”週末熱賣”又嚟啦！都係用番相同Promotion Code（詳情請睇：http://www.hongkongairlines.com/zh_HK/flight/weekendbazaar），如果之前睇中咗冇特價嘅機票，就要趁週末用埋佢Promotion Code減埋價出票喇！最後一樣：四月平日飛台北來回HK$320仲有喎！記得以下買飛步驟：

Step 1：出發日期必須揀四月週日至三，回程七日內
Step 2：如果見到有HK$620機票，恭喜您！就係您今次要搵嘅目標！
Step 3：記得先登記及login紫荊會會員（紫荊會免費申請網址：http://bit.ly/XiCJvm）
Step 4：再輸入Promotion Code : wZQ638EV（大細階必須跟足）
Step 5：系統會幫您減HK$300，總之連稅價係HK$1,004就去俾錢啦！

記住：以上三個優惠係紫荊會會員先有！記得俾錢前Login，否則就用唔到相關優惠喇～

網址：www.hongkongairlines.com

紫荊會免費申請網址：http://bit.ly/XiCJvm

（記得按下面「讚好」Share俾Facebook朋友）

港航說好的”一Click即享”新飛大開倉將於今晚00:00舉行！我哋「又飛啦！」Check過晒佢張Price List，發覺無論目的地與價錢均同之前”一Click即享”分別唔大，只係兩個目的地加價：沖繩來回由HK$690（未連稅，下同）加至HK$990，峇里島來回由HK$1,240加到HK$1,640，只係之前太筍啦！其他地點來回價包括台北（HK$510）／台中（HK$370）／北京（HK$610）／哈爾濱（HK$820）／南京（HK$510）／上海（HK$450）／杭州（HK$410）／昆明（HK$430）／重慶（HK$540）／成都（HK$600）／福州（HK$420）／廈門（HK$350＊新航線＊）／三亞（HK$390）／海口（HK$360）／河內（HK$710）／沙巴（HK$810）／曼谷（HK$720）／布吉（HK$880），記住紫荊會會員買飛每張Order再減HK$50（紫荊會免費申請網址：http://bit.ly/XiCJvm），如果買兩張以上，建議分開訂，食盡佢HK$50折扣！不過今次港航講明以下日子不適用：15/5 – 20/5（佛教）；8/6 – 16/6（端午節）；27/6 – 3/7（七一回雞）；11/7 – 26/8（暑假！！！！）；18/9 – 23/9（中秋節）；27/9 – 16/10（國慶），想連假者，唔駛諗啦！機票有效期一律2-7日。

除咗以上震撼價，港航會有另一批驚喜優惠價，價格比前者貴幾百蚊。小弟一睇，咦？突然聞到一陣「漏洞味」！不過暫時未有，等時機成熟再同大家報料。

網址：www.hongkongairlines.com

紫荊會免費申請網址：http://bit.ly/XiCJvm

（記得按下面「讚好」Share俾Facebook朋友）

（記得按下面「讚好」Share俾Facebook朋友）

呢隻漏洞機票，雖然唔係香港出發，但的確超級抵，值得漏夜同大家分享（有葡航漏洞機票喺手人士更要留意）！是咁的：巴西最大航空公司天馬航空（TAM），喺歐洲個別機票網站出現漏洞價機票，由歐洲等地往巴西大城市聖堡羅，回程由秘魯首都利馬（去睇天空之城：馬丘比丘！）回歐洲不同城市，來回機票低至HK$1,400起，連稅HK$2,036起！Check過ebookers.com，呢一刻仲有漏洞飛賣！暫時搵到馬德里（MAD）直航去聖堡羅（GRU），回程利馬（LIM）經聖保羅（GRU）返巴黎（CDG）可以搵到連稅英磅174（HK$2,046）嘅蹤影（即圖中例子，5/6去，13/6返），如果返倫敦（LHR）就貴少少，連稅只係英磅273（HK$3,195）；如果去程揀米蘭（MXP），回程揀番巴黎（CDG），連稅係英磅326.5（HK$3,820），係冇咁抵，不過來回都可以駁到國泰直航來往香港！據說之前有網友搵到倫敦或曼徹斯特去，回程返巴黎都有呢口價，不過Check過幾個日子都冇。建議大家揀唔同歐洲城市出發，擴大搜查範圍，總之去程目的地係聖堡羅，回程由利馬出發，睇下仲有冇其他城市漏洞組合？至於出發日期，暫時以5至6月居多，其他日子就請大家幫手齊齊搵，搵到請報料！提提您：天馬航空TAM係星空聯盟Star Alliance一份子，唔知呢隻漏洞飛有冇得儲里數呢？

網址：www.ebookers.com

溫馨提示：海外旅遊網站不受香港旅遊業協會監管，風險必須自負；如有服務需要，亦需親自打海外熱線／電郵聯絡，IDD費用需要自付

（記得按下面「讚好」Share俾Facebook朋友）

好多人搭飛機，都希望上機前拎份免費報紙雜誌上機。唔想同人爭？用DBS Black Card啦！只要您拎住當日登機證同DBS Black Card，去香港機場禁區內嘅Page One書店，可以免費換一份HK$15以下嘅任何報紙雜誌，超過HK$15就只需補差價，所以小弟每次出遊都必定帶埋DBS Black Card，咪睇少呢個小恩小惠，查實對一眾經常搭廉航人士，機上又冇娛樂，睇報紙雜誌正好打發時間。講開又講，DBS Black Card呢幾年幫小弟賺咗唔少免費機票，全靠佢本地簽帳HK$6一里加上海外簽帳HK$4一里，係全港最易儲Miles嘅信用卡之一，只要主力用佢黎簽賬集中儲Miles，免費機票勁易賺！就好似佢依家做緊嘅Promotion：新客戶30/4前成功申請，可賺取高達32,000迎新里數！都夠您來回日本／韓國一次（嘩！依家日Yen平到8算，難以抗拒），咁啱DBS有另一個Promotion：只要網上登記參加抽獎一次，有機會抽到簽帳額嘅額外100%里數（例如本來HK$6,000可以賺1,000里，依家Double變成2,000里），經以下Link網上申請，仲額外多500里，So上加So，快手申請張DBS Black Card，賺里數免費密密飛啦喂！

網址：http://bit.ly/XTmZJq

（記得按下面「讚好」Share俾Facebook朋友）

又有新航線！講緊嘅係港龍，由28/3起開辦香港<->越南峴港直航服務，每逢週二／四／日各對飛一班，去程KA220逢週四／日KA220（08:00/08:55），週二（15:50/16:50），回程KA221逢週二（19:05/22:05），週四（09:50/12:50），週日（10:05/13:05）。呢條航線暫時得港龍獨市經營，所以首航價未見超級筍：淨機票HK$2,100，連稅HK$2,829，咁點解都要報呢？哈哈！因為估佢遲早會步仰光後塵，成為fanfares常客！峴港嘅陽光與海灘一直深受全球旅客愛戴，以前要轉機，四月起有直航，慳番唔少時間，咁就要睇實啦！今次記存下先，遲啲郁手都未遲。

網址：www.dragonair.com

（記得按下面「讚好」Share俾Facebook朋友）

港航自上週一一劈震天下後，小休一會，今日又發功！呢次佢玩Last Minute劈，將旗下幾個航點嘅3月份指定日子出發嘅飛劈劈劈，特點係要分開兩個單程買，唔係一次過買來回，彈性較大！只要您加入埋「紫荊會」，購買每個單程時都享有會員$50折扣優惠，來回買晒就有HK$100減，抵上加抵啦！來回連稅計，用埋紫荊會優惠，飛峇里HK$2,123，飛沙巴HK$1,490，平過AirAsia！抵到您驚！快啲去訂！至於詳細來回日子，請參考港航官網。

網址：www.hongkongairlines.com

（記得按下面「讚好」Share俾Facebook朋友）

今次介紹嘅航空公司，係「又飛啦！」嘅稀客：佢就係印尼嘉魯達航空公司喇！佢依家做緊3月直航峇里島優惠：來回淨機票HK2,760起，連稅HK$3,367起，機票有效期14日，出發日期為5/3 – 31/3（不過Check過，3月尾最近係25/3，唉！貼唔到復活節假）。雖然平唔過港航之前嘅一劈震天下優惠，但以嘉魯達本身嚟講，呢個的確係佢低價，況且峇里島直航少有筍嘢（依家港航又上番價），所以有心去峇里島者，不妨比較下。去程搭GA857（15:45/20:50），回程搭GA856（09:45/14:45），時間就一般咗啲。官網冇得賣，上真旅網啦！

網址：www.travelzen.com

（記得按下面「讚好」Share俾Facebook朋友）

呢單猛料，一聽就醒神！AsiaMiles宣佈由依家到31/3，兌換國泰以及港龍免費機票可獲7折里數優惠，例如香港<->台北來回本來要15,000里，依家打7折10,500里就搞掂！飛日本各大城市／首爾來回本來要30,000里，依家21,000里就搞掂！同去曼谷（20,000）差唔多咋喎！講起曼谷仲Happy：原來20,000里，依家14,000里！一般亞洲區短途航線均適用，但長途就選擇性嘅，唔包括嘅地方有：芝加哥、洛杉磯、紐約、三藩市、多倫多、溫哥華、阿姆斯特丹、倫敦、莫斯科、羅馬及奧克蘭。換言之，長途可供7折兌換嘅選擇有米蘭、巴黎、法蘭克福、悉尼、墨爾本、阿德萊德、珀斯、布里斯本、約翰耐斯堡、杜拜、利雅德，可以選擇Open-Jaw（即係來回城市不同，如米蘭入，巴黎出），旅遊日期1/3 – 30/6（即係必須於30/6前完成旅程，23/3 – 8/4復活節期間不適用）。呢個優惠必須致電AsiaMiles或透過網上遞交申請表兌換機票先得，Online訂機票係唔可以享有7折優惠，留心啦！

網址：www.asiamiles.com

（記得按下面「讚好」Share俾Facebook朋友）