19/1，我哋「又飛啦！」已率先話週末熱價將會ByeBye，取而代之就係今日開始嘅”一Click即享，震撼全城”，每日會將不同航線45天或以上預售機票劈劈劈，限量供應，售完即止，聽日再玩過，擺到明針對國泰港龍fanfares啦！人哋逢週二，佢就日日劈，唔通幫你日日賺？今日（18/1）首度開倉，曬冷式推出20個航點，個個真堅平，包括：

中國大陸

－　海口HK$360（連稅HK$1,046）、三亞HK$390（連稅HK$1,076）、杭州HK$410（連稅HK$1,096）、福州HK$420（連稅HK$1,106）、昆明HK$430（連稅HK$1,116）、上海HK$450（連稅HK$1,136）、南京HK$510（連稅HK$1,196）、重慶HK$540（連稅HK$1,226）、成都HK$600（連稅HK$1,286）、北京HK$610（連稅HK$1,296）、哈爾濱HK$820（連稅HK$1,506）

最抵一定係北京！上海個價同春秋有得Flight！其他都好平

台灣地區

－　台中HK$370（連稅HK$1,023）、高雄HK$430（連稅HK$1,083）、台北HK$510（連稅HK$1,164）

去台灣連稅一千左右，真係迫您去！

日本及東南亞地區

－　沖繩HK$690（連稅HK$1,264）、曼谷HK$720（連稅HK$1,477）、河內HK$710（連稅HK$1,408）、沙巴HK$810（連稅HK$1,548）、布吉HK$880（連稅HK$1,637）、峇里島HK$1,240（連稅HK$1,814）

飛沖繩連稅千二蚊，峇里島連稅唔駛二千蚊，史上新低！必去！

記得加入埋「紫荊會」，會員訂購HK$2,500以下機票，每個Order可以多HK$50折扣，扣番HK$50後，飛台中連稅只係HK$973，平到叫救命！從今以後，每晚00:00起，都要上港航官網睇睇有冇新一批劈盤。

網址：www.hongkongairlines.com

（記得按下面「讚好」Share俾Facebook朋友）

10:38 18/2 Update：Check過美國航空官網，漏洞價仲係度！趁班美國朋友未返工fix，需要去就買啦！不過講明先：機票係non-refundable

深夜都同大家急報一單漏洞機票消息！雖然唔係香港出發，但其漏洞之大，值得分享！美國航空官網出現漏洞：紐約（JFK）<->智利首都聖地牙哥（SCL）嘅商務及頭等機票，來回本來賣緊HK$23,000起，但依家竟然賣HK$7,013起！仲要係連稅！就算揀經濟，來回連稅都賣緊HK$8,000起，所以又係9999.999999%漏洞價！出發日期為1/4 – 12/6，最遲亦需於12/6完成，紐約來往聖地牙哥冇直航，須經邁阿密轉機，第一程（紐約->邁阿密）及第四程（邁阿密->紐約）係坐頭等，第二及第三程（邁阿密<->聖地牙哥）就坐番商務，可以免費中停一站（例如邁阿密），再停就加收US$125（HK$975）一程。由於呢條航線係美國航空同智利航空以代碼共享運作，可以嘅話，邁阿密<->聖地牙哥建議盡量揀乘智利航空，因為商務艙正過美國航空。Check過系統，雖然唔係全部日子都有，但去程唔太難搵到，回程就以五月打後易啲（四月極少，所以未必食到復活節假），想飛南美州玩番轉，再加番張香港<->紐約機票就得啦！若然稍後遇上國泰fanfares有紐約就更perfect！就算無，香港來回紐約直航連稅都係一萬左右，加埋呢套漏洞機票，來回南美唔駛兩萬，仲要坐到商務 + 頭等，的確超級化算！同上次葡航事件相若：估計美國時間週一早上，班美國佬返工後一定會fix架啦！要買就趁手！

溫馨提示：玩漏洞嘅嘢，絕對睇彩數，唔好抱太大期望先好學人玩喇！

網址：www.aa.com

（記得按下面「讚好」Share俾Facebook朋友）

歐洲著名旅遊訂購網站Opodo剛推出一個優惠Code，憑Code訂機票只要買滿英磅 £200並以美國運通信用卡找數，可享有英磅£30折扣，折合港幣係買滿HK$2,400減HK$360，即係最多打85折俾您，呢個折扣係以每張訂單計，換言之如果您買兩張機票或以上而每張連稅都超過英磅 £200嘅話，建議分開訂，食盡個折扣！不過由於Opodo主力做歐洲市場，亞洲區內往返筍盤唔算齊，飛台灣肯定冇，好在曼谷／東京／首爾等等都仲搵到靚價機票，建議先上番Opodo網站查下，再比較埋本地旅遊網站（包括航空公司官網），如果用埋Code就最抵，先好動手出票，否則梗係咪睬佢！如果想訂歐美短途或歐洲出發嘅長途機票（例如飛南美），Opodo嘅筍盤當然夠齊全啦（如果早啲出Code，分分鐘用埋訂葡航豐沙爾漏洞飛都得添呀）！最後使用日期為28/2。

優惠Code：AMEX30

留意位：

1. 話就話只限美國運通信用卡，但有人試過用Visa / Master卡都用到Code！不過事後網站會唔會追收番就唔知啦！

2. 喺opodo.co.uk網站訂機票，每張會收取英磅 £5手續費

3. 英磅 £200係以機票連稅價計，如果唔夠英磅 £200，就算搭埋佢Opodo Extra服務夠英磅 £200，都唔用得個優惠Code

4. 訂購前，請先上skyscanner.com格好價，唔好一見Code就盲目撲去Opodo訂飛

5. 歐洲一眾廉航不適用，例如easyjet, monarch, jet2, ryanair等等

6. 海外旅遊網站不受香港旅遊業協會監管，風險必須自負；如有服務需要，亦需親自打海外熱線／電郵聯絡，IDD費用需要自付

網址：www.opodo.co.uk

（記得按下面「讚好」Share俾Facebook朋友）

近呢幾個月，越南機票價錢已經被國泰fanfares + 港航劈到落花流水！對手越南航空梗係要做番啲嘢啦！佢剛剛推出一隻超正筍盤，賣點唔係最平（fanfares越南淨機票每次都係幾舊水而已），而係時間超靚！去程逢一／三／五搭VN599（07:55/09:25），回程逢二／四／日搭VN598（18:30/21:55），早去晚返，淨機票HK$1,384，連稅HK$2,147，機票有效期14日，出發日期為1/2 – 5/2；16/2 – 26/3，週五早上上機，週日最夜時間返港，真正玩足三日兩夜嘅Crazy Weekend！官網未有呢個價，上真旅網買啦！

網址：www.travelzen.com

（記得按下面「讚好」Share俾Facebook朋友）

雖然汶萊距離香港頗近，但向來好少港人會去旅遊，無他嘅！機票貴嘛！淨係得皇家汶萊航空有直航。不過如果想飛去墨爾本或杜拜玩，留意喇！極少減價嘅皇家汶萊航空，最近推出咗香港飛墨爾本及杜拜優惠，經首都斯里巴加灣市轉機，來回淨機票一律HK$2,930，連稅計，飛墨爾本HK$5,320，飛杜拜HK$4,750，出發日期為22/4至30/5。可能冇乜人知道，Check過系統，仲有唔少供應。呢隻盤有兩大賣點：第一係計埋稅都超平，墨爾本呢個價竟然接近AirAsia X，飛杜拜就比直航嘅阿聯酋差千幾二千：除非您能夠以fanfares價入手國泰相同途程，否則梗係皇家汶萊抵搭啦！您未必聽過佢大名，實情係呢間代表汶萊嘅國家航空公司，無論機隊抑或服務均極有水準（鬼叫國家咁有錢咩）！同區內頂級航空公司有得Flight！今次用咁平價錢就搭到，正！另外賣點係回程可以免費停一晚汶萊首都斯里巴加灣市：原因係回程不能即日轉機，需要停留一晚，咁您大可以乘機觀光下，有幸嘅話，見到吳尊唔奇架！首都唔大，大半日應該睇完，正所謂專登去就冇謂，順道玩就正斗，反正唔駛加錢嘛（當然食宿要自費啦）！

網址：www.bruneiair.com

（記得按下面「讚好」Share俾Facebook朋友）

香港航空近幾個月，每逢Weekend都推出三種優惠Code，飛哈爾濱、成都、重慶、峇里島、河內減HK$500；飛北京、上海浦東、上海虹橋、南京、杭州、昆明、台北、高雄、台中、沖繩減HK$300；飛海口、三亞、福州、曼谷、布吉、沙巴減HK$200，由於個個禮拜減幅一樣，所以冇特別同大家報，但最近我哋收到風：港航週末優惠Code將近完結，皆因旺季將來臨，所以想享受折扣飛港航者，要爽手喇！

以票價計，最正當然係減HK$500嗰批：21日前預購，成都同重慶折實HK$940，連稅HK$1,634；河內折實HK$770（同港龍fanfares同價），連稅HK$1,475；至於其他城市，沙巴依家做緊首航優惠，31/1前出發來回折實HK$1,420，連稅HK$2,167，同馬航睇齊；至於台灣三條航線，如果31/1前出發，台北同台中折實HK$580，連稅HK$1,242，高雄折實HK$500，連稅HK$1,162，絕對平通街；曼谷21日前預購，折實HK$1,080，連稅HK$1,840，連AirAsia都唔夠佢平。想訂就要喺週日23:59前上港航官網出飛。最後一提：呢個優惠唔可以同紫荊會HK$50會員折扣同時使用。

留意位：

1. 哈爾濱、成都、重慶、峇里島、河內 $500折扣：（優惠Code：D4HDVFIO）

2. 北京、上海浦東、上海虹橋、南京、杭州、昆明、台北、高雄、台中、沖繩$300折扣：（優惠Code：wZQ638EV）

3. 海口、三亞、福州、曼谷、布吉、沙巴$200折扣：（優惠Code：OWSqPZGQ）

網址：www.hongkongairlines.com

（記得按下面「讚好」Share俾Facebook朋友）

我哋「又飛啦！」好少講南非嘅平機票，其實依家正正係南非旅遊旺季，皆因當地係夏天，同香港倒轉架！南非航空剛推出優惠機票，由依家到15/7，飛約翰內斯堡／開普敦／德班／東倫敦／伊莉莎伯港來回淨機票$4,720起，連稅後，直航嘅約翰內斯堡HK$7,277，東倫敦HK$8,012，開普敦／德班／伊莉莎伯港HK$8,019，機票有效期為一個月。由於去南非可供選擇嘅航空公司唔多，呢個價看似昂貴，其實係合理（起碼都有50% Star Alliance里數約7,7XX賺下），約翰內斯堡除非遇上國泰fanfares，否則都難有平盤，所以今次呢隻盤要留意。不過Check過系統，供應量唔太多，未必日日都有呢個價，睇您想就時間定就荷包了！最後出票日期為31/1。

網址：www.flysaa.com

（記得按下面「讚好」Share俾Facebook朋友）

今次講一隻非常冷門嘅優惠，事關真係極少有劈價！港龍飛尼泊爾首都加德滿都航線，向來企硬唔減，散飛淨機票起碼HK$4K以上，依家港龍大刀一劈，2人同行每張HK$2,300起，連稅HK$4,732，出發日期仲去到14/9！暑假都有添喎，罕見！提提大家：港龍去程只有逢週六先有直航，其他日子須要中停孟加拉首都達卡，回程就每日直航。Check過系統，呢個價唔係日日都有供應，不過供應量算充裕，復活節期間出發都有呢個價（例如28/3去2/4返，30/3先出發亦只係貴HK$380）。忽然諗起：連3個月有效期機票都只係HK$2,300，佢會唔會繼金邊後另一隻fanfares常客呢？2013年想去尼泊爾感受這個純潔國度，依家Plan定都得啦！

留意位：

1. 出發日期：1/1 – 31/1；15/2 – 28/3；16/4 – 14/9

2. 機票有效期：2日 – 3月

2. 最後出票日期：31/1/2013

網址：www.dragonair.com

（記得按下面「讚好」Share俾Facebook朋友）