X
陰公囉！維珍之前推出悉尼一年期機票要HK$4,790，點知低處未算低！佢係官網低調推出來回HK$4,030（未連稅，下同）超優惠價，同樣1年期機票！想平少少，去Zuji訂，齋飛HK$3,976，連稅HK$6,979，比官網平近一舊。留學生？太空人？做嘢喇！
（記得按下面「讚好」Share俾Facebook朋友）
靜咗兩個幾星期，AirAsia又手痕喇！今晚凌晨00:00（7/9）開始直到11/9訂飛，所有航線一律八折（包括AirAsia X），出發日期為12/9到16/11。今年重陽節係週三放，請3/10 同埋 4/10就有5日4夜假，大家不妨Mark緊呢個Period主力搶飛吧！其他日子，Check過系統，曼谷以10月尾同11月尚有少量來回HK$1,800（連稅，下同）；布吉9月尾有少少來回HK$2,600，之後要到11月中先有少量日子來回HK$2,000（但16/11後已經冇八折喎）；檳城10月有好多來回HK$2,000唔駛嘅選擇，11月仲平啲，一於捉實！吉隆坡就來回HK$2,400左右；沙巴10月打後一般來回HK$1,800，11月個別例子仲可以低至HK$1,500！以上價格全部未折，大家拎定日曆表，準備一陣AirAsia開倉喇！
（記得按下面「讚好」Share俾Facebook朋友）
維珍悉尼HK$4,790優惠經已完畢，但去澳洲係咪冇其他平選擇？俾我哋搵到喇！大陸旅遊網站「一起飛」做緊國泰Promotion，唔單止悉尼，去墨爾本、布里斯本、阿德萊德同埋凱恩斯，一個月有效期機票只係HK$4,159起，出票日期到14/9止，最後出發日期到8/12，呢個筍盤，官網冇，Zuji冇，Webjet都冇！Priceline係有，不過貴啲 – HK$4,430，唔信大陸旅遊網嘅，咪俾多少少囉～～～
（記得按下面「讚好」Share俾Facebook朋友）
想買張澳洲1年期機票？維珍近期嘅HK$4,790悉尼機票（連稅HK$7,833）真係有賣趁手嘞！事關優惠仲有2日（31/8）咋！Check過系統，仲有唔少日期可揀，年尾開始正係澳洲夏天，呢張機票啱晒有親人住喺澳洲要定期飛返去，又或者本身係留學生需要一年來回at least一次。不過記住呢張飛改日子需要俾HK$1,200手續費，回程要考慮清楚日期先好訂呀！
（記得按下面「讚好」Share俾Facebook朋友）
今日AirAsia X又預售下年長途線平機票，出發日期為17/4/2012至10/9/2012（即係搭正旅遊旺季），有晒所有航點。吉隆坡來回澳洲全包HK$2,000有找，不過個陣係冬天吸引力一般。最正當然係飛英國同法國，由吉隆坡飛來回連稅全包收你HK$3,900左右（Check過系統，暑假7至8月仲有）。
AirAsia自從宣佈今年24/10起去倫敦改飛Gatwick格域機場後，吸引力頓然大增，因為個度大把廉航進駐，駁機去歐洲其他城市非常方便。暑假去歐洲，機票一向貴到驚人，香港出發想平都難。AirAsia明顯係一眾想平遊歐洲嘅救星！嫌太早決定？早起鳥兒先有蟲吃嘛！
（記得按下面「讚好」Share俾Facebook朋友）
AirAsia開倉派米（平機票）已司空見慣，不過今次見佢逢週五推出嘅Fly-day優惠實在吸引，一定要報俾大家。
今次AirAsia將一批下個月（6/9 – 30/9）出發嘅貨尾機票清貨。亞洲區啲飛都算OK平，但我對佢AirAsia X長途線更有興趣：吉隆坡單程飛澳洲珀斯MYR299（連稅，下同），黃金海岸、墨爾本、紐西蘭基督城MYR499，英國倫敦同法國巴黎都只係MYR799！以1馬幣兌2.62港幣計，來回吉隆坡澳洲/紐西蘭約HK$1,560 – HK$2,614，英、法更只係HK$4,190！就算買多一套AirAsia香港來回都只係多HK$2,300，點計都抵過直航一截。訂位個陣，不妨先選擇香港出發睇下幾多錢，然後再試下分兩個Leg（香港來回吉隆坡，吉隆坡來回特價地點）去查價，睇下邊個方法最省錢，如果差唔遠（HK$200/300），咁就一票到尾啦！起碼喺吉隆坡唔駛入境出境，行李會自動轉機，除非你想停留吉隆坡玩啦！
訂位時間只係週五11:00 – 16:00咋！貨尾有限，賣完即止。
（記得按下面「讚好」Share俾Facebook朋友）
國泰又嚟劈價！今次對象係澳洲。見對手澳航Qantas依家到11月尾去悉尼做HK$5,190起，佢就減到HK$3,290（需二人同行）！就算一個人飛，都只係HK$4,290起，平近HK$2,000。香港出發為晚機21:30/08:45+1，一上機即刻瞓，落機早晨非常好；悉尼回程10:05/17:45，Perfect Timing！Check過系統，HK$3,290仲有唔少飛賣，但呢條熱門航線相信好快賣晒。建議11月去，正係澳洲春季，天氣十幾廿度左右，非常舒服！
想去墨爾本、布里斯班、開恩茲、阿德萊德同珀斯？來回機票都係HK$4,290起，一人成行都得。
不過留意，澳洲航班嘅稅同油附費非常貴：例如悉尼就盛謂HK$3,088！差唔多同機票價錢差冇幾。
留意位：
同行優惠往悉尼每位HK$3,290
出發日期：1/8 – 30/11
優惠期至：8/8
其他票價往澳洲由HK$4,290起
出發日期：1/8 – 30/11
優惠期至：15/8
（記得按下面「讚好」Share俾Facebook朋友）
X