新加坡廉航酷航（Scoot）突然推出12小時限劈，所有新加坡出發機票單程未連稅SGD9起（約HK$55），最抵梗係飛澳洲，來回連稅計：悉尼SGD256.65起（HK$1,574），黃金海岸SGD226.45起（約HK$1,389），珀斯SGD236.8起（約HK$1,452），出發日期由依家到30/3（即買即飛個隻）。至於香港<->新加坡，只有新加坡回程先有SGD9，連稅SGD53（HK$325），建議拆開兩程買，香港飛新加坡依家買單程連稅約HK$538起，來回加埋HK$863，計埋飛澳洲嗰程，香港來回澳洲連稅HK$2,252起，仲平過去日本韓國添呀！以上價格不包行李寄艙及飛機餐，最後出票時間為今晚（20/2）香港時間11:59。

網址：www.flyscoot.com

（覺得抵請記得按Like同Share俾朋友）

呢隻超筍盤，真係平到快啲去搶：專賣套票嘅AirAsiaGo推出吉隆坡飛澳洲悉尼或珀斯$0機票（稅及油附要俾），出發日期為1/3 – 31/5，最大賣點竟然連復活節假及5.1勞動節長假期都有！配間悉尼背包旅館，住5晚，每人連稅只係HK$2,418起（住少啲，更抵啲，當然可以住長啲），配合香港來回吉隆坡平平AirAsia機票（來回連稅每人約HK$1.2K），每人機票+5晚住宿+稅及油附只係HK$3,600起，仲可以一雞兩味玩埋吉隆坡，平到唔識講！記住要見到用紅色字寫住”推廣”先係$0機票（如圖），否則就Keep住按F5，話唔定下一次就Load出$0機票來！以上價格不包行李寄艙及飛機餐，最後出票日期為2/3。

網址：www.airasiago.com

（覺得抵請記得按Like同Share俾朋友）

拿拿林搶啦！酷航剛開倉呀！只限情人節入手！出發日期由依家到25/10（暑假，復活節，總之乜節日都包埋），飛新加坡HK$730起（來回連稅計，下同），飛澳洲仲抵：飛珀斯HK$2,663起，悉尼／黃金海岸HK$2,572起，比國泰平一半以上！呢口價應該係近期新低，況且單程都有平，方便一眾Working Holiday人仕平去澳洲打工。以上價錢不包行李寄艙及飛機餐。至於之前推介嘅商務倉，今次未見明顯平，都係入番經濟倉實際啲。最後出票日期為14/2 23:59。

網址：www.flyscoot.com

（覺得抵請記得按Like同Share俾朋友）

國泰港龍fanfares第68週又嚟啦！記得聽早08:00開倉喎！今次推出11個城市，自由揀日子估計為27/04/2014 – 10/05/2014，指定日子估計介乎15/02/2014 – 22/02/2014。前者有機會跨5.1勞動節及清明節長假期，聽早8:00去搶喇！

地點　淨機票 ｜連稅價（評語）

武漢 HK$590 | HK$1,277（淡季價錢）
杭州 HK$790 | HK$1,477（5.1爆棚）
南京 HK$790 | HK$1,477（冇乜意見）
胡志明市 HK$990 | HK$1,716（希望5.1）
吉隆坡 HK$990 | HK$1,713（值得入手）
首爾 HK$1,590 | HK$2,367（瞓身搶啦）
悉尼 HK$1,990 | HK$4,720（淡季又嚟）
沖繩 HK$2,290 | HK$2,938（港航同價）
珀斯 HK$2,890 | HK$5,510（唔係太平）
米蘭 HK$3,490 | HK$5,765（5月OK）
紐約(甘迺迪) HK$3,490 | HK$5,934（極品推介）

以上只作參考用途，其他稅項及附加費或會有所變動。

國泰FanFares網址： www.cathaypacific.com

港龍FanFares網址： www.dragonair.com

「國泰港龍fanfares往績全紀錄」（by Google Doc)：http://bit.ly/Y5JkUl　<–記得Bookmark！

相關文章；官方親自Share！國泰港龍fanfares至勁搶飛攻略！http://flyagain.la/?p=7434

（覺得抵請記得按Like同Share俾朋友）

趁今日市場靜靜地，酷航突然推出珀斯機票半價劈：出發日期由依家到30/5，新加坡出發，輸入折扣Code “ESCAPE50″訂飛，來回珀斯坐經濟客位連稅SGD275.76起（HK$1,674起），商務客位SGD524.76起（HK$3,185，但包20kg行李寄艙 + 飛機餐 + 機上娛樂），接近復活節出發（如11/4去20/4返）大約SGD306.76起（HK$1,862） ，加埋香港<->新加坡廉航機票約HK$1K左右，香港來回珀斯連稅約HK$2.7K左右，的確著數，想復活節平飛澳洲西岸，呢隻盤要食咗先。去Working Holiday嘅就仲正，買單程一樣有優惠，飛落澳洲二千蚊都唔駛！最後出票日期為週一（27/1）23:59。

網址：www.flyscoot.com

（覺得抵請記得按Like同Share俾朋友）

新航個仔：廉航酷航（Scoot）突然推出一隻限時劈，由依家到今晚香港時間9:00咋！新加坡來回珀斯及黃金海岸機票可以憑折扣Code：HI_GERI!（全部大階）以半價入手！出發日期為3/2 – 31/3，新加坡飛珀斯來回連稅SGD306.76起（約HK$1,852），飛黃金海岸來回連稅SGD346.42起（HK$2,092起）（以上不包行李寄艙及飛機餐），兩者差距咁細，梗係飛東岸嘅黃金海岸抵啲（況且珀斯遲啲都有勁多fanfares）！加埋香港<->新加坡廉航機票，三千頭埋晒單，超抵！Check過系統，供應量充足，趁未有人知，拿拿聲起手！

如果筆直鬆少少，建議買商務客艙，飛珀斯來回連稅SGD524.76起（約HK$3,170），飛黃金海岸來回連稅SGD616.42起（HK$3,723），呢個價已包埋行李寄艙20kg及飛機餐及機上娛樂，性價比其實係好過經濟客位嘅～

網址：www.flyscoot.com

（覺得抵請記得按Like同Share俾朋友）

2月打後又係南半球秋季，平機票已排隊出籠。之前搶唔到廉航酷航（Scoot）超平澳洲機票嘅，佢阿媽新航又有好嘢益您：出發日期為17/2 – 10/4；28/4 – 31/5，經新加坡轉機來回墨爾本／悉尼／布里斯班HK$1,280起，飛珀斯／阿德萊德／達爾文HK$1,490起，連稅計，墨爾本HK$4,479／悉尼HK$4,592／布里斯班HK$4,594／珀斯HK$4,693／阿德萊德HK$4,719／達爾文HK$4,749，全部唔過五千，可不同城市往返（Open Jaw），比同樣要新加坡轉機嘅酷航貴HK$1K左右，但新航係傳統航空公司，呢口價已包埋行李寄艙同飛機餐，加上可以搭A380 + 5星級影音娛樂 + 免費中停新加坡，性價比贏酷航（除非您係堅背包客，唔駛行李寄艙 + 唔介意冇嘢食，又或者係去Working Holiday）！只可惜機票有效期得14日，想留1個月就要加HK$630。唔介意涼涼地去澳洲，呢隻盤絕對諗得過！最後出票日期為31/1。

網址：www.singaporeair.com

（覺得抵請記得按Like同Share俾朋友）

已開倉！即掃！酷航（Scoot）剛推出新一輪開倉，出發日期由依家到25/10添（其中4-10月係首劈）！飛新加坡單程HK$298起，來回連稅HK$651起，呢口價回歸到首航價（航班時間麻麻，唔大劈都吸引唔到大家），重點係飛澳洲！飛珀斯單程HK$988起，來回連稅HK$2,249起，飛悉尼／黃金海岸單程HK$1,188起，連稅HK$2,602起，雖然係澳洲冬天出發（如7-8月），但用日本價飛澳洲，點計都係筍！尤其酷航係廉航，冇話機票有效期，您鍾意留幾耐都得，好適合移民客／長遊客／讀書客／Working Holiday客入手！

一如以往，買酷航最抵反而係商務艙（但實際上似傳統航空公司嘅高級經濟客位），今次劈價，單程飛新加坡HK$1,088起，來回連稅HK$2,231起。呢口價仲有得食，有酒飲，又有機上娛樂，更有埋20kg行李寄艙喎！扣番呢條數，一睇，您自然識得揀啦！

講明先：香港飛新加坡來回時間勁差，去程TZ221（06:55 / 10:55），回程紅眼機TZ220（01:50 / 05:45），記得計埋深夜交通費喎！

網址：www.flyscoot.com

（覺得抵請記得按Like同Share俾朋友）