X
香港飛新西蘭，極難有平嘢（就算冬天，來回連稅一樣近萬元），但肯由廣州出發就有平嘢。中國南方航空有一隻奧克蘭筍盤，低調到冇人知：出發日期為30/3 – 30/6，來回淨機票HK$3,209起，連稅HK$5,501，呢口價連俾國泰淨機票價都唔得！仲可以坐全新波音787夢幻客機添！計埋來回廣州車費約HK$600，都比香港出發有So。官網冇得賣，上攜程（Ctrip）啦！Check過系統，去程要揀週日／三／五，回程要揀週一／四／六先有呢口筍價，復活節附近日子出發都有，想平飛就咪等！機票有效期1個月，最後出票日期為06/02。
（覺得抵請記得按Like同Share俾朋友）
多謝fans Janice Liu報料，搵到新漏洞機票：廣州來回英國紐卡素，搭中國南方航空 + 英航（倫敦）／法航（巴黎）／KLM（阿姆斯特丹）歐洲轉機，來回連稅CNY3,525（約HK$4,410），出發日期主要集中喺2014年1至2月，其中以附圖農曆新年期間出發最為吸引（30/01去09/01返）。不過我哋Check過晒，暫時只有國內攜程網（http://english.ctrip.com/flights/）先有此價，官網冇，估計認數機會唔高，不過唔介意冒險者可以照Book，話晒農曆新年呢個價，連去日本都唔得啦！
（覺得抵請記得按Like同Share俾朋友）
13/9 11:24am Updated：11月份出發冇晒，但剛剛發現明年4月都有！仲可以復活節附近日子出發（例如16/4/2014去，21/4/2014返）
凌晨都要報，皆因又有漏洞機票（雖然官網話係特價，但平到唔似係真，所以暫時歸入漏洞類別）！今次主角係中國南方航空：廣州直航尼泊爾加德滿都，來回淨機票竟然低至HK$460！連稅HK$1,783！香港出發就算肯轉機，最平東航來回連稅都要HK$3.6K以上！雖然要走去廣州搭，但由於係直航關係（去程CZ3067 19:10/22:10，回程CZ3068 23:15/05:45+1），計埋來回香港<->廣州巴士，點計都有So！出發日期主要喺今年11月（例如18/11去，28/11返），之後都冇漏洞價，有心去嘅就要果斷入手！聽日瞓醒未必有！想最快最方便搵到漏洞價嘅來回日期，建議先上http://www.skyscanner.com.hk 搵，然後再去中國南方航空官網（香港站）http://tw.csair.com/twn/eng/index.shtml?country=hong%20kong，搜尋後見到連稅價US$228.57，就係您今次出擊目標！記住訂完先好瞓呀！
漏洞機票，老規舉：千祈唔好打電話／email問航空公司，以免打草驚蛇！漏洞嘅嘢，手快有手慢冇！
網址：http://tw.csair.com/twn/eng/index.shtml?country=hong%20kong
（覺得抵請記得按Like同Share俾朋友）
今早零晨00:00起，中國南方航空喺大陸官網推出一系列航點限時劈，但需要廣州出發之餘，又唔可以用香港信用卡找數，得個睇字。其實南航喺國際版網站亦靜靜雞推出類似優惠，最正嘅係：可以揀香港出發！價錢同廣州出發一樣！而且又可以用Visa / Master / Paypal找數！講緊嘅係新西蘭奧克蘭淡季超爆優惠：來回淨機票HK$2,740，連稅HK$5,496！國泰／新西蘭航空依家淡季直航奧克蘭連稅都要九千一萬，可想而知呢隻有幾抵。Check過系統，呢個價錢啲飛主要集中喺六月，八月及九月，其他日子暫時未搵到，有就請大家報料吧！機票有效期14日。提提您：去程需要喺廣州白雲機場等5.5小時，好在廣州出發飛奧克蘭剛好係零晨00:30，可以大瞓一回；回程就要喺廣州白雲機場等9.5小時，建議自己搭火車返香港，好過喺廣州無啦啦等九粒鐘喇！
（記得按下面「讚好」Share俾Facebook朋友）
多謝「又飛啦！」Fans “Stephen Liu”報料，有一單超平機票同大家介紹！經過我哋反覆查證，應該唔係漏洞，而係一種因銷售地區不同所引致嘅價格差異，導致超平機票產生！簡單講句：搭中國南方航空，吉隆坡／檳城出發，經廣州轉飛奧克蘭，來回淨機票只係HK$3,050起，連稅HK$5,860起。咁您會問：車！要由吉隆坡北上廣州再南下奧克蘭，有病咩！咁您就走漏眼！因為當中有兩個機票條款，可以令呢套來回機票立即升值：1. 呢張機票可以任您Stopover，即係每個城市都可以俾您免費停留；2. 機票有效期長達一年，咁您大可以將四程機票（1. 吉隆坡／檳城往廣州；2. 廣州往奧克蘭；3. 奧克蘭往廣州；4. 廣州往吉隆坡／檳城）拆開嚟玩！由一個假期分拆成三個假期，實際操作係：
旅程1. 買一張單程AirAsia機票飛去吉隆坡／檳城玩餐飽（最衰依家AirAsia只有吉隆坡有直航，檳城要轉機），然後搭中國南方航空，使用第一程返廣州。到廣州後，拎番寄艙行李（如有），再搭車落香港。
旅程2. 北上廣州白雲機場，搭第二程機直飛奧克蘭；若干日後，再搭番中國南方航空直飛廣州，完成第三程。到廣州後，拎番寄艙行李（如有），再轉車落香港。
旅程3. 北上廣州白雲機場，搭第四程機飛吉隆坡／檳城，玩完後，再買張AirAsia單程直飛回港。
以上呢三個旅程，唔需要連住落，只需出票後一年內完成即可，更改日子免費（如果想改嘅日子艙位供應有變，可能要補差價），取消費用為CNY$1,000。如果加埋香港來回吉隆坡／檳城嘅AirAsia機票約HK$1,200連稅，再加埋兩次香港來回廣州車票共HK$800，三個旅程機票總成本為HK$5,860 + HK$1,200 + HK$800 = HK$7,860，呢個價，香港一次直航來回奧克蘭都唔止！況且依家變出三個假期呢！加上Check過系統，年尾紐西蘭夏天都輕易搵到呢個價錢，聖誕／新年／農曆新年都有添！旺季香港直航冇萬萬聲都落唔到樓，有心年底去紐西蘭者，宜快動手！記住Check機票時，用Multi-Destination去Search，輸入四組來回地點：1. KUL or PEN -> CAN；2. CAN – AKL；3. AKL – CAN；4. CAN – KUL or PEN，每程記得只揀直航班次，系統最後會告知價錢，一見連稅價係US$751者，即係今次您要動手嘅目標喇！
（記得按下面「讚好」Share俾Facebook朋友）
提起香港搭A380飛機，好多人只會諗到阿聯酋／澳航，最多會答埋剛喺6/10投入服務嘅泰航，但其實中國南方航空亦有派A380機走香港<->北京航線，只可惜時間勁差：回程08:50起飛呀陰公！有幾多港人會搭呢？其實中國南方嘅A380水準唔差架！如果想搭佢，依家又有平機會：今日起（12/10），呢隻A380機會改飛廣州<->洛杉磯直航，為慶祝呢隻巨無霸首度執飛長途航線，中國南方亦推出優惠盤，當中亦包括香港出發嘅（經廣州轉機），12/9前出發，來回HK$2,940，連稅HK$5,796，Zuji有售，不過數量非常有限，要慢慢細搵先有！由於中國南方回程需要喺廣州白雲機場等11小時，太長啦（去程只需等2小時，合理）！自己掏腰包搭火車／巴士返香港仲快啦！好在去Zuji買，佢可以幫你回程揀坐國航，北京轉機，只需停2.5小時，停少啲，總價都係多幾舊水而已，自己上Zuji慢慢發掘下吧！
（記得按下面「讚好」Share俾Facebook朋友）
現時香港並無定期直航機來回柬埔寨吳哥窟（暹粒），要平去，一係搭越南航空經河內或胡志明市轉機，一係自己拼兩程AirAsia（香港<->曼谷 + 曼谷<->吳哥窟［暹粒］)，不如試下由廣州出發吖！中國南方航空有直航飛吳哥窟（暹粒），去程下午16:35，回程下午19:25，機程2:55分鐘。票價方面，提前60天訂約HK$1,086起，30天前約HK$1,316，15天前訂約HK$1,550起，稅及油附就HK$1,248，總之三千之內有找。Check過系統，平機票要等7月尾打後出發，9月中後期去HK$1,086都幾充裕，想去睇呢個著名古蹟，去一起飛出票啦！
（記得按下面「讚好」Share俾Facebook朋友）
如果你唔介意廣州來回，聽日中國南方航空開倉就要留意喇！週二起一連3日，佢將廣州及其他國內城市始發嘅下半年國際航班大劈價，廣州出發飛澳紐地區（包括奧克蘭、布里斯班、墨爾本、珀斯、悉尼）來回HK$2,430起（未連稅，下同）；飛歐洲嘅，莫斯科HK$2,430起，倫敦、巴黎、阿姆斯特丹HK$3,650起；美加方面，洛杉磯同溫哥華HK$6,090起；中東及中亞方面，杜拜HK$2,430起，德黑蘭HK$1,210起，伊斯坦布爾HK$2,430起，加德滿都HK$1,210起，冷門地方都幾抵玩！仲有大量航點不能盡錄，不過佢冇講明幾點鐘開賣，一陣零晨上去望一望，冇就聽早起身再搶啦！
留意位：
1. 訂購日期：22/5 – 24/5
2. 出發日期：1/6 – 31/12
3. 機票有效期：3-30日
（記得按下面「讚好」Share俾Facebook朋友）
X